21:18, 27 - قىركۇيەك 2017 | GMT +5
شىعىس قازاقستان وبلىسىندا 35 جاستاعى ازامات ءوزىن-ءوزى جارىپ جىبەردى
استانا. قازاقپارات - پوليتسيا قىزمەتكەرلەرى شىعىس قازاقستان وبلىسىنداعى اۋىلداردىڭ بىرىندە ەر ادامدى ءوز-وزىنە قول جۇمساۋعا يتەرمەلەگەن وقيعاعا قاتىستى ىسكە تەرگەۋ جۇرگىزىپ جاتىر دەپ حابارلادى وبلىستىق ءى ءى د باسپا ءسوز قىزمەتى.

25- قىركۇيەك كۇنى گلۋبوكوۆسكي اۋدانى بەلوۋسوۆكا پوسەلكەسىندە 35 جاسار ەر ادام ءوز-وزىنە قول جۇمساعان.
ايماقتىق ustinka.kz سايتىنىڭ حابارلاۋىنشا، ەر ادام ءوزىن بەلگىسىز جارىلعىش قۇرالىمەن جارعان. دۇكەننىڭ جانىندا جاتقان ەر ادامنىڭ دەنەسىن ءوتىپ بارا جاتقان ادامدار تاۋىپ العان.
«بۇل وقيعا قىلمىستىق كودەكستىڭ 105-بابى بويىنشا سوتقا دەيىنگى تەرگەۋدىڭ ءبىرىڭعاي رەەسترىندە تىركەلدى»، - دەپ حابارلادى Sputnik قازاقستان تىلشىسىنە تەلەفون ارقىلى.
قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر. قاجەتتى ساراپتامالار تاعايىندالدى. پوليتسيا بۇدان باسقا اقپارات بەرۋدەن باس تارتتى.