قازاقستانعا جاڭا مي-35م تىكۇشاقتارى جەتكىزىلدى - فوتو
كوپماقساتتى سوققى بەرۋشى مي-35م تىكۇشاقتارىنىڭ 4 داناسى العاش رەت ق ر اسكەري- اۋە كۇشتەرىنىڭ قارۋ- جاراقتارى قاتارىنا قوسىلىپ، ەلىمىزدىڭ وڭتۇستىگىندەگى تۇراقتى مەكەنىنە جەتكىزىلدى. ۇشقىشتار قۇرامى قايتا وقۋدان ءوتىپ، اۆياتسياعا اكەلىنگەن جاڭا تەحنيكانى سىناپ كورۋگە دايىن. اتالعان مي-35م تىكۇشاعى تاماشا ۇشۋ- تەحنيكالىق سيپاتتاماسىنا يە، جوعارى تەمپەراتۋرالى جانە بيىك تاۋلى جاعدايلاردا قولدانىسقا ءتيىمدى.
بۇل تىكۇشاق جاي جانە قولايسىز اۋا رايىندا باسقارىلاتىن جانە باسقارىلمايتىن قارۋ- جاراقتى ۇرىستا تاۋلىك بويى قولدانۋدى قامتاماسىز ەتەدى. سونداي-اق كوزدەگەن ماقساتىنا كۇندىز جەردەن 10-25 مەتر بيىكتىكتە ۇشۋدى، ال تۇندە كەمىندە 50 مەتر بيىكتىكتە ۇشۋدى ورىنداي الادى. مي-35م تىكۇشاعىنىڭ ناۆيگاتسياسى مەن ەلەكتروندى ينديكاتسياسىنىڭ زاماناۋي كەشەنمەن جابدىقتالۋى وسىنداي تاپسىرمالاردى ورىنداۋعا مۇمكىندىك بەرەدى.
بۇدان وزگە، ۇرىس ماشيناسىنىڭ شابۋىلدان قورعانۋ كەشەنى مەن قوسىمشا وپتسيالارى بار. مي-35م تاعى دا ءبىر ارتىقشىلىعى ونىڭ قۇرىلىسىنىڭ جەتىكتىگىندە، ياعني تىكۇشاق اكۋستيكالىق بەلگىلەرىن تومەندەتىپ، ۇرىسقا شىدامدىلىعىن ارتتىرادى، سونداي-اق تەحنيكالىق قىزمەت كورسەتۋدەگى قيىندىقتاردى تومەندەتە الادى. نەگىزگى سوققى بەرەتىن قىزمەتتەرىنەن وزگە، مي-35م تىكۇشاعى جەكە قۇرام مەن جۇكتەردى تاسىمالداۋ، مەديتسينالىق قىزمەتكەرلەرمەن قوسا سىرقاتتار مەن جارالىلاردى الىپ ءجۇرۋ ءۇشىن پايدالانىلادى.
تىكۇشاقتاردى جەتكىزۋ قازاقستان مەن رەسەي اراسىنداعى اسكەري- تەحنيكالىق ىنتىماقتاستىق، سونداي-اق ق ر قورعانىس مينيسترلىگى مەن روسوبورونەكسپورت كاسىپورنىنىڭ اراسىنداعى شارت اياسىندا جۇزەگە اسىرىلعانىن ايتا كەتكەن ءجون.
