19:55, 07 - قىركۇيەك 2016 | GMT +5
قازاقستان رەسەيدەن ءتورت مي-35 تىكۇشاعىن ساتىپ الادى
استانا. قازاقپارات - قازاقستان قورعانىس ميينسترلىگى رەسەيدەن تاعى ءتورت مي-35 تىكۇشاعىن ساتىپ الادى، سايكەس كەلىسىم-شارتقا 2016-جىلدىڭ سوڭىنا دەيىن قول قويىلادى.
بۇل تۋرالى سارسەنبى كۇنى «ارميا-2016» فورۋمىندا قازاقستان قورعانىس ءمينيسترىنىڭ ورىنباسارى وقاس ساپاروۆ حابارلادى، دەپ جازدى ر ي ا نوۆوستي.
ساپاروۆتىڭ ايتۋىنشا، بيىل قازاقستان 2015-جىلى ر ف- مەن جاسالعان كەلىسىم-شارت بويىنشا، تاعى ءتورت مي-35 تىكۇشاعىن ساتىپ الادى.
«بيىل ءتورت مي-35 تىكۇشاعىن الۋ ءۇشىن تاعى ءبىر كەلىسىم-شارتقا قول قويامىز»، - دەدى ساپاروۆ.
ماسكەۋ تۇبىندەگى الابينو پوليگونىندا وتەتىن «ارميا-2016» حالىقارالىق اسكەري-تەحنيكالىق فورۋم جۇمىسىنىڭ ەكىنشى كۇنى 75 شەتەلدىك دەلەگاتسيا وكىلدەرىنە ارنالعان قارۋ-جاراق، اسكەري جانە ارنايى تەحنيكالاردىڭ اۋقىمدى كورسەتىلىمى وتەدى. «رۋسسكيە ۆيتيازي»، «ستريجي»، «بەركۋتى»، «سوكولى روسسي» ۇشقىشتىق توپتارىنىڭ ونەر كورسەتۋى جانە ماماندارعا اۆتونومدى «ارس-600» سۋاستى اپپاراتىن كورسەتۋ جوسپارلانعان.
