11:45, 29 - مامىر 2016 | GMT +5
فۋتبول الاڭىندا جۇرگەن 35 ادام نايزاعاي سوققىسىنان زارداپ شەكتى
استانا. قازاقپارات - گەرمانيادا فۋتبول الاڭىندا نايزاعاي سوققىسىنان كەم دەگەندە 35 ادام زارداپ شەكتى، ولاردىڭ 30 ى بالالار.
كەلەڭسىز وقيعا ەلدىڭ باتىسىنداعى رەينلاند- پفالتس جەرىندەگى حوپشتەدتەن ەلدى مەكەنىندە بولعان، دەپ حابارلايدى Berliner Zeitung باسىلىمى.
فۋتبول الاڭىندا ويىن ءوتىپ جاتقان، اۋا رايى دا الاڭدارلىقتاي بولماعان. جاڭبىر باستالىپ، نايزاعاي ويناعان ساتتە ويىن دا اياقتالعان ەدى. جاي ءتۇسۋى سالدارىنان 9-12 جاستاعى بىرنەشە بالا جانە ءبىر ەرەسەك ادام زارداپ شەكتى. ولاردىڭ ۇشەۋى اۋىر جاراقاتتاندى. ون ءبىر بالا مەن ءبىر ەرەسەك ادام اۋرۋحاناعا جاتقىزىلدى. قالعاندارىنىڭ جاعدايى قاۋىپتەنەرلىكتەي ەمەس، دەپ اتاپ وتەدى Rheinpfalz باسىلىمى.
