قازاقستاندىق شەنەۋنىكتەرگە 35 مىڭ دوللاردان قىمبات كولىك الۋعا تىيىم سالىندى
سونداي-اق، شەندىلەر ۇستايتىن سمارتفون باعاسى 70 مىڭ تەڭگەدەن اسپاۋى ءتيىس.
بۇل تۋرالى جەمقورلىققا قارسى مەدياورتالىقتىڭ ديرەكتورى مارات قايىرعاليەۆ مالىمدەدى دەپ جازادى ماتريتسا.
ەندى مەملەكەتتىك قىزمەتكەرلەر الكوگولدى شەكتەن تىس قولدانىپ، قوعامدىق ورىنداردا جۇرە المايدى.
«قازاقستاندا جەمقورلىقپەن كۇرەسۋ جولىندا ۇلكەن جۇمىستار اتقارىلىپ جاتىر. ماسەلەن، جاڭا زاڭ كۇشىنە ەنگەن سوڭ، شەندىلەر ۇستايتىن سمارتفون 70 مىڭ تەڭگەدەن، كولىكتەر 35 مىڭ دوللاردان قىمبات بولماۋى ءتيىس. سونىمەن قاتار، مەملەكەتتىك قىزمەتكەرلەر ىشىمدىك ءىشىپ الىپ، مەيرامحانا، كافە، كينوتەاتر مەن وزگە دە قوعامدىق ورىنداردا جۇرە المايدى. مۇنداي قادامى ءۇشىن ولار جاۋاپقا تارتىلادى»، - دەدى جەمقورلىققا قارسى مەدياورتالىقتىڭ ديرەكتورى.
سونداي-اق، شەنەۋنىكتەردىڭ ءجۇرىس-تۇرىسىن قاداعالاۋ ءۇشىن رەيدتەر جۇرگىزىلىپ وتىرادى.
«ەگەر قانداي دا ءبىر شەنەۋنىك ادەپتەن اسىپ، مەيرامحانا اكىمشىلىگى پوليتسياعا حابارلاساتىن بولسا، ءبىز ونىڭ قانداي قىزمەتتە ەكەنىنە قاراماي شارا قولدانامىز. ءبىر قىزىعى، بۇگىندە وسىلاي اتى شىققان شەنەۋنىكتەر كوپ»، - دەيدى باتىس قازاقستان وبلىستىق ءى ءى د باسشىسىنىڭ ورىنباسارى باۋىرجان راحمەتوۆ.
