22:40, 12 - جەلتوقسان 2014 | GMT +5
قازاقستاننىڭ جاس تەننيسشىلەرى 35 حالىقارالىق جارىستا چەمپيون اتاندى - د. دوسقارايەۆ
استانا. قازاقپارات - قازاقستاننىڭ جاس تەننيسشىلەرى 35 حالىقارالىق جارىستا چەمپيون اتاندى. بۇل تۋرالى بۇگىن استانادا بيىلعى جىلدىڭ قورىتىندىسى مەن 2015-جىلعى ماقسات-مىندەتتەرگە ارنالعان ەسەپتى كونفەرەنتسيادان كەيىنگى بريفينگتە قازاقستان تەننيس فەدەراتسياسىنىڭ اتقارۋشى ديرەكتورى دياس دوسقاريەۆ ءمالىم ەتتى.
ونىڭ ايتۋىنشا، 2014-جىل قازاقستان تەننيسى ءۇشىن تابىستى بولدى. ازيا ويىندارىندا ەلىمىزدىڭ ەرلەر التىنعا قول جەتكىزسە، ايەلدەر قۇراماسى قولانى يەلەندى.
«بىزدە «Team Kazakhstan» اكادەمياسىنىڭ تاربيەلەنۋشىلەرىنەن قۇرالعان جاس بۋىن ءوسىپ كەلە جاتىر. بيىل 12-18 جاس ارالىعىنداعى تەننيسشىلەرىمىز 35 حالىقارالىق جارىستا چەمپيون اتاندى»، - دەدى د. دوسقاريەۆ.
وسى ورايدا ول سپورتتىڭ بۇل ءتۇرىن دامىتۋ تۇرعىسىندا بالاباقشالارمەن جانە مەكتەپتەرمەن ىنتىماقتاستىق جۇرگىزىلۋدە. «ءبىز وسى سپورت بويىنشا ۇلكەن الەۋەتتى بايقاپ وتىرمىز. بۇل ءوز كەزەگىندە تەننيستى دامىتۋعا جاقسى مۇمكىندىك»، - دەدى اتقارۋشى ديرەكتور.
اۆتور: رۋسلان عابباسوۆ
