ەسەت باتىردىڭ 355 جىلدىعىنا ارنالعان ايتىس جەڭىمپازى انىقتالدى
«اتاسىنىڭ ەسىمىن اسقاقتاتقان، اردا جۇرتى، ارمىسىڭ، اقتوبەنىڭ!» (سەرىك قۋانعان) - دەپ، ەلىمىزدىڭ ءار وڭىرىنەن كەلگەن اقىنداردىڭ ايتىسىن جۇرتشىلىق ەكى كۇن بويى تاماشالادى.
ايتىسقا بارلىعى 16 اقىن قاتىستى. سولاردىڭ اراسىنان ەكىنشى كەزەڭگە 8 اقىن شىعىپ، ءتورت جۇپ بولىپ: سەرىك قۋانعان (ش ق و) مەن راۋان قايداروۆ (پاۆلودار وبلىسى)، قازىرەت بەردىحان (الماتى قالاسى) مەن ءبىرجان بايتۋوۆ (شىمكەنت قالاسى)، رۇستەم قايىرتاي (اباي وبلىسى) مەن شۇعايىپ سەزىمحان (الماتى قالاسى) جانە جۇلدىز قوجابەكوۆا (اقتوبە وبلىسى) مەن شالقارباي ءىزباساروۆ (اتىراۋ وبلىسى) ايتىستى.
باس جۇلدە رۇستەم قايىرتايعا بۇيىردى. وعان 1,5 ميلليون تەڭگە كولەمىندە قارجىلاي سىياقى سەرتيفيكاتى تاپسىرىلدى.
سونداي- اق ءبىرجان بايتۋوۆ، راۋان قايداروۆ، جۇلدىز قوجابەكوۆا، شۇعايىپ سەزىمحان، قازىرەت بەردىحان، شالقارباي ءىزباساروۆ سىندى اقىندار دا جۇلدەگە يە بولدى.
ەسكە سالايىق، اقتوبەدە ەسەت كوكى ۇلىنىڭ 355 جىلدىعىنا ارنالعان «ەركىندىك قىرانى، شارىقتا» اتتى رەسپۋبليكالىق اقىندار ايتىسى ءوتىپ جاتقانىن حابارلاعان بولاتىنبىز.
