13:03, 09 - تامىز 2018 | GMT +5
دوللار كۇرت ءوسىپ، 355 تەڭگەگە جەتتى
استانا. قازاقپارات - بۇگىنگى كۇننىڭ كورسەتكىشى بويىنشا دوللار ايىرباس نۇكتەلەرىندە 352-355 تەڭگەگە جەتتى.
دوللاردىڭ رەسمي كۋرسى 348 تەڭگەنى قۇرايدى. دوللار 2018 -جىلدىڭ مامىر ايىنان باستاپ كوتەرىلە باستادى.
ساراپشىلار مۇنىڭ سەبەبى رەسەي ءرۋبلىنىڭ السىرەۋىنەن دەپ ءتۇسىندىردى. بۇل ماۋسىمدىق وزگەرىس دەپ بولجادى.
وسىدان كەيىن دوللار قىمباتتاي بەردى. اسىرەسە، سوڭعى ەكى اي ىشىندە قاتتى ءوسىپ، 19 - شىلدەدە 344,98 تەڭگە بولدى. ساراپشىلار دوللاردىڭ قازان ايىندا ارزاندايتىنىن ايتادى.
بۇگىن امەيكالىق ۆاليۋتا تاعى كۇشىنە ەندى. ساراپشىلار وعان ا ق ش تاراپىنان رۋبلگە قاتىستى جاڭا سانكتسيا سالدارى سەبەپ دەپ وتىر.
