قازاقستاندا 3559 ناۋقاس اعزاسىن اۋىستىرۋ ءۇشىن كەزەكتە تۇر

اقتاۋ. قازاقپارات - ونىڭ ىشىندە ماڭعىستاۋدا 120 ناۋقاس كەزەگىن كۇتىپ ءجۇر. ونىڭ ىشىندە باسىم بولىگى 110 (4 بالا) ناۋقاس بۇيرەگىن اۋىستىرۋى ءتيىس. ال باۋىرعا - 2، جۇرەككە - 2 پاتسيەنت مۇقتاج، دەپ حابارلايدى قازاقپارات.
None
None

بۇل تۋرالى وبلىستىق قوعامدىق كوممۋنيكاتسيا ورتالىعىندا وتكەن بريفينگتە رەسپۋبليكالىق ترانسپلانتالوگيا ورتالىعىنىڭ ماڭعىستاۋ وبلىسى بويىنشا ۇيلەستىرۋشىسى، انەستەزيولوگ- رەانيماتولوگ ينديرا امانقوس قىزى حابارلادى.

سپيكەردىڭ ايتۋىنشا، جىل باسىنان بەرى كۇتۋ كەزەگىندەگى 2 ادام (بۇيرەك) قايتىس بولعان. جالپى، قازاقستان بويىنشا ىقتيمال رەتسيپيەنتتەر تىركەلىمىندە (كۇتۋ كەزەگى) 3599 پاتسيەنت تۇر. ونىڭ ىشىندە بۇيرەك ترانسپلانتاتسياسىنا - 3254 (74 - بالا)، باۋىرعا - 172 ادام (9 بالا)، جۇرەككە - 153 پاتسيەنت (5 بالا).

2012 -جىلدان باستاپ قازىرگى ۋاقىتقا دەيىن قازاقستاندا 2000-نان استام ترانسپلانتاتسيا جاسالدى. ونىڭ ىشىندە ءاربىر بەسىنشى ترانسپلانتاتسيا - قايتىس بولعاننان كەيىنگى دونوردان. قازاقستاندا تۋىستار اراسىندا اعزا اۋىستىرۋ ۇلەسى بۇكىل ترانسپلانتاتسيالاردىڭ % 80,2- ىن قۇرايدى. ال ەۋروپا ەلدەرىندە اعزالاردى قايتىس بولعاننان كەيىنگى دونورلاردان ترانسپلانتتاۋ باسىم.

«قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 2020 -جىلعى 28 - قاڭتارداعى № 41 بۇيرىعىنا سايكەس ماڭعىستاۋ وبلىسىندا دونورلىق ستاتسيونار ماڭعىستاۋ وبلىستىق اۋرۋحاناسى بولىپ تابىلادى. 2022 -جىلدىڭ ءبىرىنشى توقسانىنىڭ قورىتىندىسى بويىنشا اۋرۋحانادا 29 ءولىم جاعدايى تىركەلدى. ونىڭ ىشىندە ىقتيمال دونور بولۋى مۇمكىن 18-62 جاس ارالىعىنداعى 11 (% 37,9) جاعداي بار، - دەدى رەسپۋبليكالىق ترانسپلانتالوگيا ورتالىعىنىڭ ماڭعىستاۋ وبلىسى بويىنشا ۇيلەستىرۋشىسى، انەستەزيولوگ- رەانيماتولوگ ينديرا امانقوس قىزى.

2022 -جىلدىڭ ءبىرىنشى توقسانىندا ەلىمىزدە 44 ترانسپلانتاتسيا جاسالدى. ونىڭ ىشىندە ءتىرى كەزىندە دونوردان 37 (%84) وپەراتسيا جانە قايتىس بولعاننان كەيىن دونوردان 7 (%16) وپەراتسيا جاسالدى. ماڭعىستاۋ وبلىسى بويىنشا 1-توقساندا ءتىرى كەزىندە دونوردان ەكى ترانسپلانتاتسيا (1 بۇيرەك جانە 1 باۋىر) جاسالدى. بۇل رەتتە قازاقستاندا ترانسپلانتولوگيا دامۋىنىڭ بارلىق كەزەڭىندە ماڭعىستاۋ وبلىسىندا قايتىس بولعاننان كەيىنگى ىقتيمال دونوردى وزەكتەندىرۋدىڭ ءبىر دە ءبىر جاعدايى تىركەلگەن جوق.

سوڭعى جاڭالىقتار