جولبارىس ءبيدىڭ تۋعانىنا 350 جىل تولدى
شارا «رۋحاني جاڭعىرۋ» باعلارلاماسى اياسىندا ۇيىمداستىرىلدى. ونلاين كونفەرەنتسياعا قىتايدان، تۇركيا مەن وزبەكستاننان دا تاريحشى عالىمدار قاتىسىپ دەرەكتەرىمەن ءبولىستى.
جولبارىس جىلقايدار ۇلى ەل اۋزىنداعى اڭىزداردا، دەنەسىنە جاۋ قارۋىن دارىتپاعان باتىر، ءارى قارا قىلدى قاق جارعان بي رەتىندە سيپاتتالادى. ول «اقتابان شۇبىرىندى، القاكول سۇلاما» جىلدارى ىلە مەن قاراتال وزەنىنىڭ ارالىعىندا جوڭعارلارعا قارسى شايقاستارعا قاتىسقان. كەيىن بوسقان ەلدى جەتىسۋ جەرىنە قايتارۋعا ۇلەس قوسقان.
جولبارىس بي قازىرگى الماتى وبلىسىنا قاراستى قالپە اۋىلىنىڭ جانىنداعى قورىمعا جەرلەنگەن. 1996 -جىلى ۇرپاقتارى باسىنا كەسەنە تۇرعىزىپ، قۇلپىتاس ورناتتى. بۇگىنگى تاڭدا جولبارىس جىلقايدار ۇلىنىڭ اتىندا قور بار. ال كۇزگە قاراي تالدىقورعاندا اۋليە بابانىڭ اتىنا كوشە بەرىلىپ، ەسكەرتكىش ورناتىلماق.
مامبەت قويگەلديەۆ، تاريحشى، ق ر ۇعا اكادەميگى:
- 18-عاسىرداعى جولبارىس بي سياقتى تۇلعالارىمىز ءبىزدىڭ حالىقتىڭ جادىندا ساقتالعان. ارحيۆ قۇجاتتارىندا ەمەس، ولاردىڭ قىزمەتى، ولاردىڭ قىزمەتى حالىقتىڭ جادىندا ساقتالعان. ال حالىقتىڭ جادى عاجاپ قۇبىلىس. ودان ەلەكتەن، ەكشەۋدەن وتكەن تۇلعالار، وقيعالار، پروتسەستەر عانا ساقتالادى. جولبارىس ءبيدىڭ تۇلعاسى ەلەۋدەن وتكەن.
ومارحان وكسىكبايەۆ، جولبارىس جىلقايدار ۇلى اتىنداعى قوعامدىق قوردىڭ ءتوراعاسى:
- اسىرەسە، جەتىسۋ وڭىرىندە سوناۋ تاۋكە حاننان باستاپ، ابىلايحاننىڭ تۇستارىندا جوڭعار باسقىنشىلارىنا توتەپ بەرگەن، قولباسشى باتىر رەتىندە تانىلعان. ول اتامىزدىڭ ەڭبەگى سول كەزدە قازاق حالقىنىڭ اۋىزبىرلىگىن، ىنتىماعىن جاراتىپ، سول مەمەلەكەت بولۋعا تالپىنىستارىن سۋرەتتەپ، سول كەزدەگى جەرىمىزدى مۇمكىندىگىنىشە مولىنان ساقتاپ قالۋعا قوسقان ۇلەسى وراسان زور. ءبىز سونى جاستارىمىزعا جەتكىزسەك، ءبىزدىڭ تاريحىمىزدا اقتاڭداقتاردىڭ ءبىراز بەتتەرى تولعان بولار ەدى دەگەن پىكىردەمىن.
www.24.kz
