كوروناۆيرۋس جۇقتىرعان 350 ادامنىڭ جاعدايى اۋىر - مينيسترلىك
نۇر-سۇلتان. قازاقپارات - 20- تامىز تاڭىنداعى جاعداي بويىنشا قازاقستاندا 16 مىڭعا جۋىق ادام كوروناۆيرۋستان ەمىن جالعاستىرۋدا، دەپ حابارلايدى قازاقپارات.
«قازىرگى ۋاقىتتا كوروناۆيرۋس ينفەكتسياسىنان 15904 ادام ەم قابىلداۋدى جالعاستىرۋدا. ولاردىڭ اراسىندا 64 بالا بار. ستاتسيونارلاردا 6942 ناۋقاس جاتىر. 8962 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 350 ادامنىڭ جاعدايى ناشار. سونىڭ ىشىندە 100 ناۋقاستىڭ جاعدايى اسا اۋىر دەپ باعالانۋدا. 63 ناۋقاس وكپەنى جاساندى جەلدەتۋ اپپاراتىنا قوسىلعان»، - دەلىنگەن ق ر دەنساۋلىق ساقتاۋ مينيسترلىگى تاراتقان مالىمەتتە.
بۇعان دەيىن حابارلاعانىمىزداي، 19- تامىز كۇنى قازاقستاندا كوروناۆيرۋس ينفەكتسياسى 244 ادامنان انىقتالدى. ونىڭ ىشىندە 110 ادام - سيمپتومسىز تاسىمالداۋشى. ءبىر تاۋلىكتە ىندەتتەن 164 ادام جازىلىپ شىقتى. سونداي-اق وتكەن تاۋلىكتە كوروناۆيرۋس ينفەكتسياسىنىڭ بەلگىلەرى بار پنيەۆمونيا 787 ادامنان انىقتالدى.
19- تامىز كۇنى بۇل دياگنوزدان 6 قايتىس بولدى. بۇگىنگە دەيىن كوروناۆيرۋس جالپى 103815 ادامنان انىقتالدى. ونىڭ ىشىندە 86450 ناۋقاس - جازىلدى، 1415 ناۋقاس - قايتىس بولدى.
