ءۇندىستانداعى سۋ تاسقىنىنىڭ سالدارىنان مەرت بولعاندار 350 دەن استى
NDTV تەلەارناسى سەنبى كۇنى اتالعان وڭىرلەردە تولاسسىز جاۋعان جاۋىننىڭ سالدارىنان سۋ قويمالارى مەن وزەندەردىڭ ارناسىنان اسىپ جاتقانىن جازادى.
جاۋىن اتالمىش ايماقتاردا سوڭعى اپتادا توقتاۋسىز جاۋعان. تەلەارنا تاراتقان مالىمەتتەر بويىنشا، قازىرگى تاڭدا اسىرەسە بيحار شتاتىنداعى جاعداي وتە قيىن. وندا تابيعي اپاتتان 153 ادام قۇربان بولعان. قۇتقارۋ جۇمىستارى ءۇشىن بيحاردا توتەنشە جاعدايلارمەن كۇرەس قۇرىلىمدارىنىڭ 28 بولىمشەسى جۇمىس ىستەۋدە.
سونىمەن قاتار 1 مىڭ 765 دالا اسحانالارىنىڭ جۇمىسى جولعا قويىلىپ، وندا 350 ادامعا كومەك كورسەتىلۋدە. سۋ تاسقىنىنان قاتتى زارداپ شەككەن ەكىنشى ايماق اسسام شتاتى بولىپ وتىر، مۇندا 144 ادام قۇربان بولدى. سوڭعى ەكى كۇندە جاڭبىر توقتاعان.
وسىعان قاراي بيلىك وكىلدەرى تابيعات اپاتىمەن بايلانىستى جاعدايدىڭ ءبىرشاما وڭالا تۇسكەندىگىن ايتۋدا. الايدا قۇتقارۋشىلار سۋ العان ايماقتاردىڭ بارلىعىن قاراپ كورگەنشە، تابيعات اپاتىنىڭ قۇرباندار سانى ارتا ءتۇسۋى مۇمكىن. باتىس بەنگاليادا 52 ادام مەرت بولدى. مۇندا تابيعي اپاتتان ۋتتار پرادەش شتاتىنىڭ شىعىس بولىگى قاتتى زارداپ شەكتى. وندا 14 ادام ومىرىمەن قوش ايتىستى.