20:52, 14 - قىركۇيەك 2015 | GMT +6
تالىبتەر تۇرمەگە شابۋىل جاساپ، 350 جازاسىن وتەۋشىنى بوستاندىققا شىعارىپ جىبەردى
استانا. قازاقپارات - الەمدىك ب ا ق- تا اۋعاندىق گانزي قالاسىنداعى «تاليبان» قوزعالىسى سودىرلارىنىڭ سۇمدىق ارەكەتىنىڭ ەگجەي-تەگجەيى پايدا بولدى.
الدىن الا دەرەكتەر بويىنشا اكسياعا بىرنەشە جانكەشتى قاتىسىپ، تۇرمە اۋماعىندا وزدەرىن جارىپ جىبەرگەن. بۇدان باسقا نىسان قاقپاسىنىڭ الدىنداعى ماشينا جارىلىپ، بۇزاقىلار عيماراتقا ەنىپ كەتتى.
لاڭكەستەر تۇرمە قىزمەتكەرلەرىمەن ايقاستى. تالىبتەردىڭ دەرەكتەرىنە سۇيەنسەك، 40 ادام ولتىرىلگەن. قالا بيلىگى 4 ادامنىڭ قازا تاپقانىن ايتۋدا. زارداپ شەككەندەردىڭ ناقتى سانى بەلگىسىز. شابۋىل بارىسىندا سودىرلار 350 جازاسىن وتەۋشىنى بوستاندىققا شىعارىپ جىبەردى، ولاردىڭ جارتىسىنا جۋىعىنىڭ وسى قوزعالىسقا قاتىسى بار.