قازاقستان بويىنشا اۋداندىق ونكولوگتار سانى 350 گە دەيىن ارتتى
شاراعا وبلىستاردىڭ، استانا جانە الماتى قالالارىنىڭ دەنساۋلىق ساقتاۋ باسقارمالارىنىڭ وكىلدەرى، ونكولوگيالىق ديسپانسەرلەردىڭ باس دارىگەرلەرى مەن ولاردىڭ ورىنباسارلارى، قازاقستاننىڭ بارلىق ايماقتارىنان كەلگەن ونكولوگتار مەن ماممولوگتار، بارلىعى 330 عا جۋىق مامان قاتىستى.
ونكولوگيالىق قىزمەتتىڭ وزەكتى ماسەلەلەرىن تالقىلاۋعا ق ر پارلامەنتى ءماجىلىسىنىڭ دەپۋتاتى ايتگۇل ساماقوۆا، ق ر دەنساۋلىق ساقتاۋ جانە الەۋمەتتىك دامۋ مينيسترلىگى مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى گۇلنار قۇلقايەۆا، ەلىمىزدىڭ باس ونكولوگى، قازاق ونكولوگيا جانە راديولوگيا ع ز ي ديرەكتورى قۋانىش نۇرعازيەۆ قاتىستى.
«ونكولوگتاردىڭ العاشقى سەمينار-كەڭەسى 2011-جىلعى قازاندا استانادا وتكەن بولاتىن. بۇل قازاقستاننىڭ بارلىق اۋداندىق ونكولوگتارى باس قوسقان تۇڭعىش جيىن بولدى. شارادا الداعى ۋاقىتتاعى ونكولوگ قىزمەتتى جەتىلدىرۋ جولدارى تالقىلاندى. اۋداندىق ونكولوگتار مەن ماممولوگتاردىڭ II رەسپۋبليكالىق سەمينارى وتاندىق سالا ماماندارىنىڭ ماڭىزدى باس قوسۋى بولماق. رەسپۋبليكامىزداعى ونكولوگيالىق قىزمەتتىڭ نەگىزى - سالانىڭ العاشقى بۋىنى بولىپ تابىلاتىن وبلىستار مەن اۋدانداردىڭ دارىگەرلەرى مەن ماماندارى»، - دەيدى قۋانىش نۇرعازيەۆ.
سەمينار-كەڭەس اياسىندا ونكولوگيالىق قىزمەت پەن امبۋلاتوريالىق-ەمحانالىق ۇيىمداردىڭ جۇمىسىن بىرىكتىرۋ؛ ونكولوگيالىق، ماممولوگيالىق، ەرلەر جانە ايەلدەردى قاراۋ كابينەتتەرىنىڭ جۇمىسىن جانداندىرۋ؛ 65 جانە ودان جوعارى جاستاعى تۇرعىندار اراسىندا قاتەرلى ىسىكتى ەرتە ساتىسىندا انىقتاۋ ءۇشىن سكرينينگتىك جانە وبىردىڭ الدىن الۋ باعدارلامالارىن جۇزەگە اسىرۋ؛ ق ر ونكولوگيالىق قىزمەت سالاسىنا مونيتورينگ جانە باعالاۋ جۇيەسىن ەنگىزۋ؛ قاتەرلى دەرتكە شالدىققان ناۋقاستارعا مەديتسينالىق-الەۋمەتتىك قىزمەت كورسەتۋ سىندى وزەكتى ماسەلەلەر قارالدى.
سونىمەن قاتار، ق ر ونكوقىزمەتىن ارتتىرۋعا ۇلەس قوسقان اۋداندىق ونكولوگتار قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ توسبەلگىلەرى جانە قۇرمەت گراموتالارىمەن ماراپاتتالدى.
2012-2016-جىلدارعا ارنالعان ق ر ونكولوگيالىق كومەكتى جەتىلدىرۋ باعدارلاماسى» اياسىندا 101 ونكولوگيالىق، 273 ماممولوگيالىق، 18 پروكتولوگيالىق كابينەتتەر اشىلادى. بۇگىنگى تاڭدا بۇل كابينەتتەردىڭ جۇمىسىن جانداندىرۋ ءالى دە كۇن تارتىبىندە تۇر. اتالمىش كابينەتتەر قاتەرلى ىسىكتىڭ الدىن الۋ مەن ونى ەرتە ساتىسىندا انىقتاۋدا ماڭىزدى بولىپ وتىر. ەلىمىزدە اۋداندىق ونكولوگتاردىڭ سانى 350 گە (2011-جىلى - 263)، ماممولوگتار 207 گە (2013-جىلى - 166) دەيىن ارتتى.
رەسمي مالىمەتتەرگە سۇيەنسەك، 2015-جىلدىڭ 6-ايىندا 17130 قاتەرلى ىسىككە شالدىققان ناۋقاس تىركەلدى. ونىڭ 55,4 پايىزى I-II ساتىسىنداعىلار. سولتۇستىك، شىعىس قازاقستان مەن پاۆلودار وبلىسىندا وبىر دەرتى جوعارى كورسەتكىشكە يە.
