بىردەن 35 كولىك سوقتىعىسپ، 4 ادام كوز جۇمدى

استانا. قازاقپارات - گرەكيانىڭ ەگناتيا تاس جولىندا ءىرى جول اپاتى بولدى، دەپ حابارلايدى Associated Press.

وقيعا سالدارىنان 4 ادام اجال قۇشقان. اپاتتىڭ ورىن الۋىنا شوسسە ۋچاسكەلەرىنىڭ بىرىندە جوندەۋ جۇمىستارىنىڭ جۇرگىزىلىپ جاتۋى سەبەپ بولعان. جۇك ماشيناسىنىڭ جۇرگىزۋشىسى جولدىڭ تارىلعانىن بايقاماي قالىپ، بار جىلدامدىعىمەن جەڭىل اۆتوكولىككە كەلىپ سوعىلعان، ناتيجەسىندە جەڭىل كولىكتى ءورت شالعان. سالدارىنان تاعى 35 تەن استام كولىك زارداپ شەككەن.

قۇتقارۋشىلاردىڭ مالىمەتىنشە، اپاتتان ەكى ايەل ادام مەن ءبىر ەر ادام اجال قۇشقان، تاعى ءبىر ادامنىڭ مۇردەسى جانىپ جاتقان كولىكتەن سىرتقا شىعارىلدى.