ەلىمىزدە جاس عالىمداردىڭ ۇلەسى 34 پايىزعا جەتتى
بۇل تۋرالى ماجىلىستە عىلىمدى دامىتۋ تاقىرىبىنداعى ۇكىمەت ساعاتىندا عىلىم جانە جوعارى ءبىلىم ءمينيسترى ساياسات نۇربەك ايتتى، دەپ حابارلايدى قازاقپارات ءتىلشىسى.
«بۇگىندە ەلىمىزدە 22456 عىلىمي كادر بار. زەرتتەۋشىلەردىڭ 37 پايىزىندا (2022 -جىلى - %35) عىلىمي جانە اكادەميالىق دارەجەسى بار. سونداي- اق زەرتتەۋشىلەردىڭ 34 پايىزىن - 35 جاسقا دەيىنگى جاس عالىمدار، 43 پايىزىن - 35-54 جاستاعىلار، 23 پايىزىن 55 جاستان اسقاندار عالىمدار قۇراپ وتىر. الايدا عىلىمي زەرتتەۋ ينستيتۋتتارىندا باسشى كادرلاردىڭ قارتايۋى بايقالىپ وتىر»، - دەدى س. نۇربەك.
ونىڭ ايتۋىنشا، ەلىمىزدە 414 ۇيىم عىلىمي زەرتتەۋلەر مەن تاجىريبەلىك- كونسترۋكتورلىق جۇمىستاردى جۇزەگە اسىرىپ جاتىر. مەملەكەتتىك سەكتورعا باعىناتىن ۇيىمداردىڭ سانى 26 پايىز عانا. 43 پايىزى كاسىپكەرلىك جەمەمەنشىك ۇيىمدارعا تيەسىلى. وسى ورايدا بيزنەس بىرتىندەپ عىلىمي زەرتتەۋ جۇمىسىنا بەتبۇرىس جاسادى.
