قازاقستاندىق بوكسشى قارسىلاسىن 34 رەت نوكاۋتقا جىبەرگەن ەكس-چەمپيوندى جەڭدى

نۇر-سۇلتان. قازاقپارات - قازاقستاندىق بوكسشى بەكمان سويلىبايەۆ (13-1، 5 ك و) اقتاۋدا وتكەن بوكس كەشىندە ونەر كورسەتتى، دەپ حابارلايدى قازاقپارات Sports.kz سايتىنا سىلتەمە جاساپ.

ول مەكسيكالىق تاجىريبەلى بوكسشى توماس روحاسپەن (52-20-1، 34 ك و) جۇدىرىقتاستى.

ەكىنشى جارتىلاي ورتا سالماقتاعى بۇل كەزدەسۋ 10 راۋندقا ەسەپتەلگەن بولاتىن. جەڭىستى تورەشىلەر ءبىراۋىزدان بەكمان سويلىبايەۆاقا بەردى.

وسىلايشا، بەكمان سويلىبايەۆ ءوزىنىڭ كاسىبي بوكستاعى 14-جەڭىسىنە قول جەتكىزدى، ال توماس روحاس بولسا، 21- رەت جەڭىلىس تاپتى.

ايتا كەتەيىك، روحاس ەكىنشى ەڭ جەڭىل سالماقتا WBC چەمپيونى اتانعان.