قازاقستان ەلشىلىگى تاعى 34 ازاماتتى كيەۆتەن پولشاعا الىپ شىقتى
ولار سول ەلدەن قازاقستانعا ارنايى رەيسپەن قايتادى. بۇل تۋرالى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
ەسكە سالساق، بۇگىن تاڭەرتەڭ ۋكرايناداعى قازاقستان ازاماتتارىن اكەلۋگە 179 ورىندىق ۇشاق پولشاعا اتتانعان بولاتىن.
ق ر س ءى م باسپا ءسوز قىزمەتىنىڭ باسشىسى ەرلان جەتىبايەۆتىڭ حابارلاۋىنشا، تۇسكە دەيىن ۋكراينا-پولشا شەكاراسىنان 241 ادام وتكەن. ولاردىڭ العاشقى لەگى بۇگىن تۇندە الماتىعا جەتكىزىلەدى.
قازاقستان ازاماتتارىنىڭ كەيبىرى ۋكراينانىڭ اۋماعىنان پولشا شەكاراسىنا دەيىن قالاي جەتكەندەرىن ايتتى.
جالپى بۇگىن ۋكرايناداعى قازاقستاندىقتاردى پولشا ارقىلى ەلگە الدىرۋ ءۇشىن 3 رەيس ۇيىمداستىرىلادى.
ولار:
1) 28- اقپان پولشا ۋاقىتىمەن: اتىراۋ (08:45) - كاتوۆيتسە (09:00/10:30) - اتىراۋ (19:20)؛
ال نۇر-سۇلتان ۋاقىتىمەن: اتىراۋ (09:45) - كاتوۆيتسە (14:00/15:30) - اتىراۋ (20:20).
2) 28- اقپان پولشا ۋاقىتىمەن: اتىراۋ (14:00) - كاتوۆيتسە (14:20/16:00) - اتىراۋ (00:20+1)، جەرگىلىكتى ۋاقىت.
ال نۇر-سۇلتان ۋاقىتىمەن: اتىراۋ (15:00) - كاتوۆيتسە (19:00/20:30) - اتىراۋ (21:20)، ۋاقىتى نۇر-سۇلتان قالاسى.
ءۇشىنشى رەيستىڭ كەستەسىن ازاماتتىق اۆياتسيا كوميتەتى قوسىمشا حابارلاۋعا ءتيىس.
مەملەكەت باسشىسىنىڭ باسپا ءسوز حاتشىسى بەرىك ءۋالي قاسىم-جومارت توقايەۆ قازاقستان ازاماتتارىن ۋكراينادان ەۆاكۋاتسيالاۋعا قاتىستى جاعدايدى ءجىتى قاداعالاپ وتىرعانىن جازدى.
ۋكرايناداعى قازاقستاندىقتار مىنگەن العاشقى رەيس پولشادان ءتۇس قايتا ۇشىپ شىقتى.