ماۋسىمدا ازىق- تۇلىكتىڭ الەمدىك باعاسى شامامەن 34 پايىز ءوستى - اسقار مامين
«بيىلعى ءبىرىنشى جارتىجىلدىقتا ۇكىمەت ەكونوميكانى قالپىنا كەلتىرۋ جانە ونى ورنىقتى ءوسۋ سەرپىنىنە شىعارۋ، حالىق پەن بيزنەسكە قاجەتتى قولداۋ كورسەتۋ جۇمىستارىن جالعاستىردى. قازىرگى جاڭا بولمىستا ەكونوميكانى ىنتالاندىرۋدىڭ بارلىق قۇرالدارىن كەشەندى تۇردە پايدالانۋ ەكونوميكالىق بەلسەندىلىكتى قولداۋعا مۇمكىندىك بەردى. حالىقارالىق ۇيىمدار بيىل الەمدىك ەكونوميكانىڭ قالپىنا كەلۋ قارقىنى جوعارى بولادى دەپ جوسپارلاپ وتىر. وسى تۇرعىدا تاۋار نارىقتارىنداعى باعالار وسۋدە»، - دەدى اسقار مامين.
ونىڭ دەرەگىنشە، جىل باسىنان بەرى مۇناي 44 پايىزعا قىمباتتاپ، 1 باررەلى 73 دوللارعا دەيىن جەتتى. مەتالل باعاسى دا ءوستى.
«جاھاندىق جانە وڭىرلىك ءوندىرىس پەن ساۋدا بايلانىستىڭ بۇزىلۋىنا كليماتتىق جاعدايلاردىڭ وزگەرۋىنە بايلانىستى سوڭعى 10 جىلدا ازىق- تۇلىكتىڭ الەمدىك باعاسى نەعۇرلىم جوعارى قارقىنمەن وسۋدە. ماۋسىم ايىنىڭ قورتىندىسى بويىنشا ازىق- تۇلىكتىڭ الەمدىك باعاسى شامامەن 34 پايىزعا ءوستى. الەمدىك ينفلياتسيانىڭ ءوسۋى، قارجى نارىقتارىندا تۇراقسىزدىق، سونداي- اق ۆيرۋستىڭ جاڭا مۋتاتسيالارىنىڭ پايدا بولۋى جاعدايىندا جاھاندىق ەكونوميكادا بەلگىسىزدىك فاكتورلارى جوعارى دەڭگەيدە قالىپ وتىر»، - دەدى ۇكىمەت باسشىسى.
اۆتور: مارلان جيەمباي
