الماتىدا بەلگىسىز ادام «مينالانعانى» تۋرالى حاتتى 34 مەكتەپكە جىبەرگەن
«قازىرگى ۋاقىتتا قالاداعى 34 جالپى ءبىلىم بەرۋ مەكەمەسىنە وسىنداي حابارلامالار كەلىپ ءتۇستى. 18 مەكتەپ تەكسەرىلدى. جارىلعىش قۇرىلعىلار تابىلعان جوق»، - دەدى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.
بۇعان دەيىن، الماتىنىڭ 12 مەكتەبىندە جارىلعىش زاتتار ىزدەستىرىلىپ جاتقانى تۋرالى حابارلاعان بولاتىنبىز. بەلگىسىز ادام اقشا اۋدارۋدى تالاپ ەتكەن. ەگەر اقشا اۋدارىلماسا مەكتەپتەردى جارىپ جىبەرەتىنىن ايتقان. قازىرگى كەزدە ساپەرلەر عيماراتتاردى تەكسەرىپ جاتىر.
اتالعان فاكتى ق ر ق ك-نىڭ 273 بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. جارىلعىش زات تۋرالى حابارلاما قالدىرعان ادامنىڭ جەكە باسىن انىقتاۋعا جانە ونى ودان ءارى ۇستاۋعا باعىتتالعان جەدەل-ىزدەستىرۋ شارالارى جۇرگىزىلۋدە.
اۆتور: الما مۇقانوۆا
