ەلوردادا ەكى كۇندە 34 ادامنىڭ كوروناۆيرۋستى قايدان جۇقتىرعانى بەلگىلى بولدى
«كەيىنگى ەكى كۇننىڭ ىشىندە ەلوردادا كوروناۆيرۋستى جۇقتىرۋدىڭ تاعى 34 جاعدايى تىركەلدى. 15 - ساۋىردە 15 ادام ۆيرۋس جۇقتىرىپ، اۋرۋدى جۇقتىرۋ ءوسىمى 5,3 پايىزدى كورسەتتى. 16 - ساۋىردە، ياعني بۇگىن تاعى 19 ادام اۋرۋ جۇقتىرىپ، ءوسىم 6,4 پايىزعا جەتتى. وسى ەكى كۇندە ۆيرۋس جۇقتىرعان ادامداردىڭ تورتەۋى - بىرنەشە كۇن بويى كوروناۆيرۋس جۇقتىردى دەگەن كۇدىكپەن ستاتسيونارلاردا بولعاندار. دياگنوستيكا بارىسىندا ولاردىڭ كوروناۆيرۋس ينفەكتسياسىن جۇقتىرعانى راستالدى. ەكسپرەس- تەستىلەۋدىڭ كومەگىمەن تاعى ءبىر ادامنىڭ COVID-2019 اۋرۋىن جۇقتىرعانىن انىقتادىق. ول پروۆيزورلىق ستاتسيونارعا جەتكىزىلىپ، سول جەردە ونىڭ دا ۆيرۋس جۇقتىرعانى راستالدى» ، - دەدى ساۋلە قيسىقوۆا «حابار 24» ارناسىندا ونلاين رەجيمدە وتكەن باسپا ءسوز ءماسليحاتىندا.
باسقارما باسشىسىنىڭ ايتۋىنشا ۆيرۋس جۇقتىرعان تاعى 11 ادام - بۇرىن COVID-2019 اۋرۋىنا شالدىققاندارمەن جاقىن بايلانىستا بولعان كىسىلەر. كوبى - وتباسى مۇشەلەرى مەن ارىپتەستەرى. «ولاردىڭ ءبارى بۇرىن انىقتالىپ، وقشاۋلانعان ەدى. ينفەكتسيا راستالعاندىقتان ولاردىڭ ءبارى ەمحاناعا جاتقىزىلدى»، - دەدى ول. باس مەملەكەتتىك سانيتارلىق دارىگەردىڭ قاۋلىسىنا سايكەس نۇر- سۇلتان قالاسىندا قازىرگى ۋاقىتتا مەديتسينالىق قىزمەتكەرلەردىڭ كوروناۆيرۋستى جۇقتىرۋ ىقتيمالدىعى تەكسەرىلىپ جاتىر. سونىمەن قاتار ساۋلە قيسىقوۆانىڭ ايتۋىنشا «شاراپات» الەۋمەتتىك قىزمەت كورسەتۋ ورتالىعىندا 380 ادام تەكسەرىلىپ، ولاردىڭ (306 تۇرىپ جاتقان ادام مەن 74 قىزمەتكەر) 18 ىنەن كوروناۆيرۋس ينفەكتسياسىن جۇقتىرعانى انىقتالعان. ونىڭ ءبارى اۋرۋحاناعا جاتقىزىلىپ، ءبارى دە حاتتاماعا سايكەس ەم الۋدا.
