قازاقستان باسەكەگە قابىلەتتى ەلدەر تىزىمىندە 34-ورىنعا كوتەرىلدى
ورتالىق مالىمەتىنشە، قازاقستان بيىلعى رەيتينگتە 34-ورىننان كورىنىپ وتىر. قازاقستاننان كەيىن تۇرعان 29 ەلدىڭ ىشىندە يتاليا، يسپانيا، تۇركيا جانە رەسەي بار.
رەيتينگتىڭ ءبىرىنشى باعانىندا - سينگاپۋر، ەكىنشى ورىندا - گونكونگ، ءۇشىنشى ورىندا - ا ق ش، ءتورتىنشى ورىندا - شۆەيتساريا، بەسىنشى ورىندا - بىرىككەن اراب امىرلىكتەرى ورنالاسقان. ال ەڭ تومەنگى ورىندارعا برازيليا، حورۆاتيا، ارگەنتينا، موڭعوليا جانە ۆەنەسۋەلا جايعاسقان.
ت م د ەلدەرى ىشىندە بىزدەن كەيىن رەسەي 45، ۋكراينا 54-ورىندى يەلەندى. بيىل زەرتتەۋلەر 63 مەملەكەتتە جۇرگىزىلگەن بولاتىن. ەسكە سالا كەتەيىك، وتكەن جىلى ەلىمىز بۇل تىزىمدە 38-ورىننان كورىنگەن ەدى.
IMD رەيتينگى باسەكەگە قابىلەت دەڭگەيىن انىقتاۋ ءۇشىن الەم ەلدەرىنىڭ ەكونوميكالىق دامۋ دەڭگەيىن، ەل ۇكىمەتىنىڭ تيىمدىلىگىن، بيزنەس تيىمدىلىگى مەن ينفراقۇرىلىمدىق دامۋ كورسەتكىشتەرىن باسشىلىققا الادى.