شىلدەدە قازاقستان حالقىنىڭ شەتەل ۆاليۋتاسىن ساتىپ الۋى 34 پايىز ءوستى
شىعىستاردىڭ نەگىزگى كولەمى ا ق ش دوللارىن ساتىپ الۋعا جۇمسالدى، رەسەي رۋبلىنىڭ جانە ەۋرونىڭ ۇلەسى تيىسىنشە 22 پايىز جانە 9 پايىز بولدى. الدىڭعى ايمەن سالىستىرعاندا بۇل شىعىستار 12 پايىزعا ۇلعايدى، بۇل رەتتە ا ق ش دوللارىن جانە ەۋرونى ساتىپ الۋ شىعىستارى تەڭبە-تەڭ - ءاربىر ۆاليۋتا بويىنشا 34 پايىزعا ۇلعايدى، رەسەي ءرۋبلىن ساتىپ الۋ شىعىستارى 29 پايىزعا تومەندەدى.
اعىمداعى جىلعى قاڭتار- شىلدەدە قولما- قول شەتەل ۆاليۋتاسىن ساتىپ الۋ شىعىستارى (نەتتو) 1,0 تريلليون تەڭگە (ا ق ش دوللارىنا - 57 پايىز، رەسەي رۋبلىنە - 31 پايىز، ەۋروعا - 12 پايىز بولدى. بۇل رەتتە شىعىستاردىڭ وسى كولەمى تۇراقتى 2011-2013 -جىلدارداعى (ورتاشا ءمانى - 1,1 تريلليون تەڭگە) ءتيىستى كەزەڭدەردىڭ كورسەتكىشتەرىنەن دە، سول سياقتى ايىرباستاۋ باعامى تۇرعىسىنان العاندا قۇبىلمالى 2014-2015 -جىلدارداعى (ورتاشا العاندا - 1,3 تريلليون تەڭگە) كورسەتكىشتەردەن تومەن. 2016 -جىلعى قاڭتار- شىلدەدە قولما- قول شەتەل ۆاليۋتاسىن نەتتو- ساتىپ الۋ 150 ميلليارد تەڭگەنى قۇرادى، بۇل دەپوزيتتەردىڭ دوللارسىزدانۋى جانە تەڭگەنىڭ نىعايۋى اياسىندا وعان دەگەن سۇرانىستىڭ تومەندەۋىنە بايلانىستى بولدى.
قولما-قول شەتەل ۆاليۋتاسىنداعى كىرىستەردىڭ ءىس جۇزىندە بولماۋىنا بايلانىستى، قازاقستان حالقى قولما- قول شەتەل ۆاليۋتاسىن تازا ساتىپ الۋشى بولىپ تابىلادى جانە ودان ءارى قالادى. سونىمەن بىرگە وعان دەگەن قاجەتتىلىك ايتارلىقتاي جانە شاعىن كاسىپكەرلەر تاراپىنان سۇرانىسقا، شەتەلگە تۋريستىك ساپارلار كەزىندەگى جەكە قاجەتتىلىكتەرگە، شەت ەلگە اقشا اۋدارىمدارىنا، ونىڭ ىشىندە ەڭبەك ميگرانتتارىنىڭ اكەتۋىنە، سونداي-اق جيناق اقشانىڭ ءارتاراپتاندىرىلۋىنا سايكەس ايقىندالادى.