قازاقستان تابىس دەڭگەيى جوعارى 34 ەلىمەن ۆيزاسىز رەجىم ەنگىزۋدى جوسپارلاۋدا
بۇل تۋرالى بۇگىن يسپانيا- قازاقستان بيزنەس- فورۋمىندا ق ر ينۆەستيتسيالار جانە دامۋ ءمينيسترى اسەت يسەكەشيەۆ ءمالىم ەتتى.
«تەك سوڭعى 10 جىلدا عانا قازاقستان 200 ميلليون دوللاردان استا تىكەلەي شەتەل ينۆەستيتسياسىن تارتتى. ءبىراق، ءبىز مۇنىمەن توقتاپ قالماق ەمەسپىز. مەملەكەتتەر الدىنا زاماناۋي سىن- قاتەرلەر تۋىنداعان قازىرگى ۋاقىتتا ءبىزدىڭ الەمنىڭ دامىعان 30 ەلىنىڭ قاتارىنا كىرۋ سىندى ۇلى جوسپارىمىز بار»، - دەدى ءا. يسەكەشيەۆ.
ول ءوز سوزىندە تاياۋدا عانا پرەزيدەنتتىك «100 ناقتى قادام» ۇلت جوسپارى جاريا ەتىلگەنىن، ونىڭ اياسىندا قازاقستان ەكونوميكاسى قارقىندى دامي تۇسەتىندىگىن اتاپ ءوتتى. ينۆەستورلاردى تارتۋ جانە تاۋەكەلدەردى تومەندەتۋ، ە ى د ۇ ستاندارتتارىنا سايكەس ينۆەستيتسيالىق احۋالدى جاقسارتۋ ءۇشىن جاڭا تەتىكتەر ازىرلەنگەنىن ەسكە سالدى.
«سالىقتان بوساتۋ رەجىمى ارنايى ەنگىزىلدى. مەملەكەت جوبا ىسكە قوسىلعاننان كەيىن كۇردەلى شىعىستاردىڭ 30 پايىزىن وتەيتىن بولادى. بۇل جوبالارعا شەتەلدىك ەڭبەك كۇشتەرىن تارتۋ 1 جىلعا قانداي دا ءبىر رۇقسات قاعازىنسىز، ارنايى كۆوتا بويىنشا جۇرگىزىلەدى. يسپانيانى قوسا العاندا 19 ەل قازاقستانمەن ۆيزاسىز رەجىمگە يە بولعان. سونىمەن قاتار ءبىزدىڭ جوسپارىمىزدا ە ى د ۇ- نىڭ 34 ەلىنە دەيىن بۇل ءتىزىمدى كەڭەيتۋ بار»، - دەدى مينيستر.
اۆتور: مارلان جيەمباي
***
1948 - جىلى مارشاللدىڭ ەكىنشى دۇنيەجۇزىلىك سوعىستان كەيىن ەۋروپانى قالپىنا كەلتىرۋ بويىنشا جوسپارىن ىسكە اسىرۋ ءۇشىن ەۋروپالىق ەكونوميكالىق ىنتىماقتاستىق ۇيىمى (ە ە ى ۇ) رەتىندە قۇرىلعان. العاش رەت وعان ەۋروپالىق ەلدەر عانا كىرگەن.
1961 - جىلى ە ە ى ۇ ەكونوميكالىق ىنتىماقتاستىق جانە دامۋ ۇيىمىنا قايتا قۇرىلىمدانعان بولاتىن. بۇگىندە ونىڭ قۇرامىنا تابىس دەڭگەيى جانە ادامي الەۋەتى جوعارى ەلدەر كىرەدى (HDI)، ويتكەنى وسى ەكى كورسەتكىشتىڭ قوسىندىسى عانا ەلدى دامىعان ەلدەر قاتارىنا قوسۋ نەگىزدەمەسى بولا الادى. ە ى د ۇ شتاب- پاتەرى پاريج قالاسىندا ورنالاسقان.
ۇيىمنىڭ ماقساتى تۇراقتى ەكونوميكالىق ءوسۋدى قامتاماسىز ەتۋگە جانە مۇشە- ەلدەردىڭ ءومىر ءسۇرۋ دەڭگەيىن ارتتىرۋعا باعىتتالعان ۇيلەستىرىلگەن ساياساتتى جۇرگىزۋ بولىپ تابىلادى.
قازىرگى ۋاقىتتا ە ى د ۇ قۇرامىنا الەمنىڭ ەڭ دامىعان 34 ەلى، ونىڭ ىشىندە جەكە قاتىسۋشى رەتىندە ەۋروپالىق كوميسسيا كىرەدى.
ە ى د ۇ ەلدەرىنە الەمدىك ج ءى ءو- ءنىڭ شامامەن % 60 كەلەتىنىن ايتا كەتۋ قاجەت.
سوڭعى جىلدارى ە ى د ۇ قاتىسۋشىلار سانىن كەڭەيتۋ ساياساتىن جۇرگىزىپ جاتىر. وسىلايشا، بۇرىنعى كەڭەس وداعى ەلدەرىنىڭ اراسىندا ە ى د ۇ- عا 2010 - جىلى ەستونيا كىردى. قازاقستان ە ى د ۇ- عا كىرۋ نيەتى تۋرالى 2011 - جىلى جاريالادى.
