ءۇندىستان ۇكىمەتىنىڭ باسشىسى بىرىككەن اراب امىرلىگىنە 34 جىلدان كەيىن العاش رەت رەسمي ساپارمەن باردى
ن. مودي ەكى كۇندىك ساپارى اياسىندا ەل استاناسى ءابۋ دابي مەن دۋبايدا بولادى. اتالعان امىرلىكتەردىڭ باسشىلارىمەن كەلىسسوزدەر بارىسىندا ەكىجاقتى ساۋدا جانە لاڭكەستىككە قارسى كۇرەس سالاسىنداعى ىنتىماقتاستىقتى نىعايتۋ ماسەلەسى تالقىلانادى. سونىمەن قاتار، تاراپتار ب ا ءا- نىڭ ءۇندىستانعا قۇياتىن ينۆەستيتسيا اياسىن كەڭەيتۋ جولدارىن قاراستىرادى.
ءۇندىستاندىق پرەمەردى ءابۋ- دابي اۋەجايىندا امىرلىكتىڭ مۇراگەر حانزاداسى، ب ا ءا جوعارى باس قولباسشىسىنىڭ ورىنباسارى شەيح موحاممەد بين زايەد ءال ناحايان جانە ءبىرقاتار وزگە دە لاۋازىمدى تۇلعالار قارسى الدى.
ب ا ءا- دا 2,6 ميلليونعا جۋىق ءۇندىستاندىق تۇرادى.
«مەنىڭ ب ا ءا- عا كەلگەن ساپارىمنىڭ ناتيجەسى ەكىجاقتى قاتىناستاردى ىنتالاندىرادى دەپ سەنەمىن»، - دەپ جازدى ن. مودي تۆيتتەر جەلىسىندەگى پاراقشاسىندا. ءۇندىستاندىق پرەمەرمەن بىرگە ب ا ءا- عا ەلدىڭ ءىرى بيزنەسمەندەرى مەن ساياسي قايراتكەرلەرى باردى.
