بالالارىمەن قوسىپ 34 جاستاعى ايەلدى ورتەپ جىبەردى

استانا. قازاقپارات - ر ف پريمورە ولكەسىندە ءبىر وتباسىنىڭ ءتورت ادامى ورتەنىپ كەتتى. تابىلعان مۇردەلەر 34 جاستاعى ايەل مەن ونىڭ 13, 8 جانە 2 جاستاعى ءۇش بالاسى ەكەنى انىقتالدى، دەپ حابارلادى «ت ا س س» اگەنتتىگى.

ايماقتىق ءى ءى م-ءنىڭ باسپا ءسوز قىزمەتىنىڭ حابارلاۋىنشا، تاڭەرتەڭ ارتەم قالاسى پوليتسياسىنىڭ كەزەكشىلىك بولىمىنە تۇرعىن ۇيدەگى ءورت تۋرالى حابارلاما كەلىپ تۇسكەن. وقيعا ورنىنا پوليتسيا قىزمەتكەرلەرى، جەدەل جاردەم قىزمەتى، ت ج م قۇتقارۋشىلارى جۇمىلدىرىلعان.

«ءورت سوندىرىلگەن سوڭ، ءۇي يەسى بولعان 34 جاستاعى ايەل مەن 13, 8 جانە 2 جاستاعى ءۇش بالانىڭ مۇردەسى تابىلدى. 13 جانە 8 جاستاعى بالالاردىڭ زورلىقپەن ولتىرىلگەنى بايقالادى»، - دەپ حابارلادى باسپا ءسوز قىزمەتىنىڭ وكىلى.

كوپ ۇزاماي كۇدىكتى رەتىندە، ءۇيدىڭ وتاعاسى، ارتەم قالاسىنىڭ 35 جاستاعى تۇرعىنى ۇستالدى. ول جۇبايى مەن بالالارىن ولتىرگەنىن مويىنداپ، قاماۋعا الىندى.