09:01, 22 - قازان 2015 | GMT +5
اقمولا وبلىسىندا 349 ادام كولىك قۇرالىن باسقارۋ قۇقىعىنان ايىرىلدى
استانا. قازاقپارات - 2015 -جىلدىڭ باسىنان باستاپ اقمولا وبلىسى بۋراباي اۋدانىنىڭ مامانداندىرىلعان اكىمشىلىك سوتى، كولىك قۇرالدارىن الكوگولدىك نەمەسە ەسىرتكىلىك ماساڭ كۇيدە باسقارعان ادامدارعا قاتىستى 349 اكىمشىلىك ءىس قارادى.
سوت، اتالعان تۇلعالار قازاقستان رەسپۋبليكاسى جول ءجۇرىسى قاعيدالارىنىڭ 2-ءبولىمىنىڭ 4-تارماعىنىڭ 2-تارماقشاسىنىڭ تالاپتارىن بۇزعاندىعىن انىقتادى. ولار ءىس-ارەكەتتەرىمەن جول قوزعالىسىنا ايتارلىقتاي تۇلعالار قاۋىپ ءتوندىردى.
بۋراباي اۋدانىنىڭ مامانداندىرىلعان اكىمشىلىك سوتىنىڭ قاۋلىلارىمەن بارلىق 349 قۇقىق بۇزۋشى اكىمشىلىك قۇقىق بۇزۋشىلىق تۋرالى قازاقستان رەسپۋبليكاسى كودەكسىنىڭ 608-بابىندا كورسەتىلگەن اكىمشىلىك قۇقىق بۇزۋشىلىق جاساعاندارى ءۇشىن كىنالى دەپ تانىلدى. ءارقايسىسىنا 3 جىلدان 6 جىلعا دەيىن مەرزىمگە كولىك قۇرالدارىن جۇرگىزۋ قۇقىعىنان ايىرۋ جازاسى قولدانىلدى، دەپ حابارلايدى. اقمولا وبلىستىق سوتىنىڭ باسپا ءسوز قىزمەتى.
