انتيكور: مۇعالىمدەر 34500 تەڭگەنىڭ سىيلىعىن السا، قىلمىستىق جاۋاپكەرشىلىككە تارتىلادى
ۇستازدار قاۋىمى سىيلىقتى العان جاعدايدا جازانىڭ قالاي بولاتىنىن ەسكە سالۋدا، دەپ حابارلايدى قازاقپارات ءتىلشىسى.
«جىل سايىن مەكتەپتەردە سوڭعى قوڭىراۋلار، ءبىتىرۋ كەشتەرى جانە مۇعالىمدەر مەن مەكتەپ ديرەكتورلارىنا قىمبات سىيلىقتار تارتۋ ورىن الادى. وقۋشىلاردىڭ اتا-انالارى قوسىمشا شىعىنداردى كوتەرمەۋى كەرەك. قازاقستاندا ورتا ءبىلىم تەگىن بەرىلەدى. بارلىق مەكتەپتەردە الىمدارعا قاتاڭ تىيىم سالىنادى.
وسىعان قاراماستان، الماتى وبلىسى بويىنشا سىبايلاس جەمقورلىققا قارسى قىزمەتكە 1424 Call-ورتالىعى ارقىلى مەكتەپتەردەگى الىمدار فاكتىلەرى بويىنشا 20 دان استام ءوتىنىش ءتۇستى.
بۇل رەتتە، ۆەدومستۆودا اتالعان زاڭسىز ارەكەتتەر ءۇشىن جاۋاپكەرشىلىك تۋرالى ەسكە سالىنعان»، - دەلىنگەن اتالعان ۆەدومستۆونىڭ باسپا ءسوز قىزمەتىنىڭ حابارلاماسىندا.
ۆەدومستۆونىڭ اقپاراتىنا سايكەس، مەكتەپ ديرەكتورلارى ءۇشىن زاڭسىز ماتەريالدىق سىياقى مەن پارا الۋ ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعان.
اكىمشىلىك سىبايلاس جەمقورلىق قۇقىق بۇزۋشىلىق ءۇشىن جاۋاپكەرشىلىك شاراسى - 600 ا ە ك كولەمىندەگى ايىپپۇل (ق ر ا ق ب ت ك 677-بابى)، قىلمىستىق ءۇشىن - مۇلكى تاركىلەنە وتىرىپ، پارا سوماسىنىڭ 20 ەسەلەنگەن مولشەرىندەگى ايىپپۇلدان 15 جىلعا دەيىنگى مەرزىمگە باس بوستاندىعىنان ايىرۋ كوزدەلگەن (ق ر ق ك 366-بابى).
سونداي-اق مۇعالىمدەرگە قۇنى 10 ا ە ك- تەن (2023-جىلى - 34500 تەڭگە) اساتىن سىيلىقتار بەرۋگە تىيىم سالىنادى (ق ر ا ك 509-بابى). وزگە جاعدايدا 2000 ا ە ك دەيىن ايىپپۇل تۇرىندەگى قىلمىستىق جاۋاپكەرشىلىك كوزدەلگەن (ق ر ق ك 247-بابى).
ەگەر ءسىز اتا-انالاردان نەمەسە قىزمەتكەرلەردەن اقشا جيناۋ فاكتىلەرى، سونداي-اق باسقا دا سىبايلاس جەمقورلىق تۋرالى بىلسەڭىز، 1424 Call-ورتالىعىنا حابارلاسۋىڭىزدى سۇرايمىز. ازاماتتاردىڭ بارلىق وتىنىشتەرى مىندەتتى تۇردە قارالادى، قاجەتتى شارالار قابىلداناتىن بولادى.
