قاڭتار وقيعاسى كەزىندە ۇرلانعان 343 ميلليون تەڭگەدەن استام سومانىڭ مۇلكى تابىلدى
بۇل جايىندا ىشكى ىستەر مينيسترلىگى تەرگەۋ دەپارتامەنتى باستىعىنىڭ ورىنباسارى مۇحتار قوجايەۆ ورتالىق كوممۋنكاتسيالار قىزمەتىندە وتكەن بريفينگىدە ايتتى، دەپ حابارلايدى قازاقپارات ءتىلشىسى.
«جاپپاي تارتىپسىزدىكتەردەن جابىرلەنۋشى بولىپ تانىلعان ازاماتتارعا كەلگەن شىعىندى ءوندىرۋ اياسىندا ازاماتتار مەن بيزنەس سۋبەكتىلەرىنەن ۇرلانعان 343 ميلليون تەڭگەدەن استام سومانىڭ مۇلكى تابىلىپ، الىندى. ونىڭ ىشىندە 12 اۆتوكولىك، 317 تۇرمىستىق تەحنيكا، 189 زەرگەرلىك بۇيىم، 386 ۇيالى تەلەفون، 550 دەي ءارتۇرلى كيىم-كەشەك، 16 ميلليون تەڭگەدەن استام اقشالاي قاراجات جانە تاعى باسقالارى بار. ىشكى ىستەر ورگاندارى جاپپاي تارتىپسىزدىكتەر بارىسىندا ۇرلانعان قارۋدى ىزدەپ تاۋىپ تاركىلەۋ بويىنشا بەلسەندى جۇمىستى جالعاستىرۋدا»، - دەدى مينيسترلىك وكىلى.
باس پروكۋراتۋرانىڭ دەرەگىنە سۇيەنسەك، ارنايى پروكۋرورلار قاڭتارداعى جاپپاي تارتىپسىزدىكتەر بويىنشا 53 ءىستى قاراپ جاتىر.
