342,8 ميلليون تەڭگە تاركىلەندى - ەلوردا تۇرعىنى كريپتوۆاليۋتانى زاڭسىز ايىرباستاعان

 استانا. KAZINFORM - ەلوردادا تۇرعىنى كريپتوۆاليۋتانى زاڭسىز ايىرباستاعانى ءۇشىن سوتتالدى، دەپ حابارلايدى ق ر باس پروكۋراتۋراسىنىڭ باسپا ءسوز قىزمەتى.

سوتتىڭ ۇكىمىمەن كريپتوۆاليۋتانى زاڭسىز ايىرباستاعان قالا تۇرعىنى مۇلكى تاركىلەنىپ، 2 جىل 6 ايعا باس بوستاندىعىنان ايىرۋ جازاسىنا كەسىلدى.

كىنالى تۇلعا قامتاماسىز ەتىلمەگەن سيفرلىق اكتيۆتەر سالاسىندا ليتسەنزياسىز ايىرباستاۋ قىزمەتىمەن اينالىسىپ، 6 ايدىڭ ىشىندە 342,8 ميلليون تەڭگە سوماسىندا اسا ءىرى مولشەردە زاڭسىز تابىس تاپقان.

پروكۋروردىڭ تالابىمەن سوتتالعان ادامنان زاڭسىز تاپقان 342,8 ميلليون تەڭگە سوماسىنداعى قارجىسى مەملەكەت پايداسىنا ءوندىرىلدى.

ۇكىم زاڭدى كۇشىنە ەندى.

اۆتور

ەربول جانات