قازاقستاندا 340 مەكتەپ ديرەكتورىنىڭ ورنى بوس تۇر، مامان جوق - مينيستر
بۇل تۋرالى وقۋ-اعارتۋ ءمينيسترى عاني بەيسەمبايەۆ ايتىپ بەردى، دەپ حابارلايدى قازاقپارات ءتىلشىسى.
«ءبىلىم بەرۋ جۇيەسىنىڭ جەتىستىگى مەن ءبىلىم بەرۋ پروتسەسىنىڭ بارلىق قاتىسۋشىلارى - مۇعالىمدەر، وقۋشىلار، مەكتەپ ديرەكتورلارى، اتا-انالار، عىلىمي ورتالىقتار، اتقارۋشى ورگاندار اراسىندا كوممۋنيكاتسيانىڭ دۇرىس قۇرىلۋىنا بايلانىستى بولىپ وتىر. وسى ورايدا جاۋاپكەرشىلىكتىڭ دۇرىس قۇرىلۋى ماڭىزدى. اتاپ ايتقاندا، سىنىپ ىشىندە مۇعالىم ءبىلىم ساپاسىنا تولىق جاۋاپتى بولسا، مەكتەپ باسشىسى - مەكتەپ دەڭگەيىندە ءبىلىم بەرۋ ساپاسىنا جانە كوللابوراتسياعا جاۋاپتى. اۋداندىق ءبىلىم بولىمدەرى - اۋداندىق ديرەكتورلار كورپۋسىنىڭ ساپاسىنا، وڭىرلىك ءبىلىم باسقارمالارى - ءوڭىر دەڭگەيىندەگى ديرەكتورلار كورپۋسىنىڭ ساپاسى مەن جالپى باسقارۋىنا جاۋاپتى»، - دەپ اتاپ ءوتتى مينيستر «قازاقستان حالقىنا» قورى ۇيىمداستىرعان «ءبىلىمدى ۇرپاق - ءبىلىمدى ەل» كونفەرەنتسياسىندا.
قازىرگى ۋاقىتتا قازاقستاندا ءبىلىم باسقارۋشىلارىنىڭ جۇيەلى دايارلاۋ باعدارلاماسىن قاجەت ەتىپ وتىر.
«بۇل باعىتتا ايتا كەتەتىن دۇنيە - جالپى باسقارۋشى، پەرسونالدى كوشباسشىلىق جانە مەنەدجمەنت داعدىلارىن ۇيرەنۋ باسشىلىق لاۋازىمعا تاعايىندالعان سوڭ جۇرگىزىلەتىنىن كورىپ وتىرمىز. ۋاقىت وتكەن سايىن مەكتەپ ديرەكتورلارىنىڭ تاپشىلىعى دا كورىنىس تاۋىپ، ءبىلىم مەكەمەلەرىنىڭ باسشىلارىنىڭ جالاقىسىن ارتتىرۋ قاجەتتىگى دە تۋىنداپ وتىر. وسىعان وراي، پرەزيدەنت تاپسىرماسىمەن ء«بىلىم بەرۋ وزگەرىستەرىنىڭ مىڭ كوشباسشىسى» باعدارلاماسىن ازىرلەۋدەمىز. بۇل جالپى ورتا ءبىلىم بەرۋ جۇيەسىن باسقارۋ مەن كوشباسشىلىقتىڭ زاماناۋي قۇزىرەتتەرىنە يە، بىلىكتى ماماندارمەن قامتاماسىز ەتەدى»، - دەدى وقۋ-اعارتۋ ءمينيسترى.
وقۋ-اعارتۋ ءمينيسترىنىڭ ايتۋىنشا، 2023-جىلدىڭ مامىر ايىنداعى جاعداي بويىنشا رەسپۋبليكادا 340 ديرەكتور جەتىسپەۋشىلىگى بار، 144 ديرەكتور زەينەت جاسىنا جاقىنداپ قالدى.
«جايلى مەكتەپ» جوباسى بويىنشا سالىناتىن 401 مەكتەپكە دە ديرەكتورلار قاجەت.
