بەينەباقىلاۋ كامەرالارىنىڭ كومەگىمەن 3402 قۇقىق بۇزۋ دەرەگى انىقتالدى
بۇگىنگى تاڭدا ق ا ج مەكەمەلەرىندە 22 مىڭنان استام بەينەكامەرا ورناتىلعان. بيىلعى ءبىرىنشى توقساندا بەينەباقىلاۋ وپەراتورلارى ۇستاۋ رەجيمىن بۇزۋدىڭ 3402 دەرەگىن انىقتادى.
«ال وتكەن جىلى 2779 قۇقىق بۇزۋشىلىق بولعان. تىيىم سالىنعان زاتتاردى ەنگىزۋدىڭ 4 ارناسى جويىلدى. ارنايى كونتينگەنتتىڭ 79 قاقتىعىسى مەن 9 توپتىق باعىنباۋى توقتاتىلدى. 13 سۋيتسيد پەن 3 قاشۋ وقيعالارىنىڭ الدىن الۋ شارالارى اتققارىلدى. ءبىر جىلدىڭ ىشىندە ق ا ج مەكەمەلەرىندە قىزمەتكەرلەردىڭ زاڭسىز ارەكەتتەرىنە قاتىستى شاعىمدار سانى 4 ەسەگە ازايدى»، - دەپ جازدى كوميتەتتەن.
سونىمەن قاتار، مەكەمەلەردە ۇزدىكسىز بەينەباقىلاۋدى ەنگىزۋ سوتتالعانداردىڭ قۇقىقتىق جاعدايىن جاقسارتۋعا جانە قۇقىققا قارسى ارەكەتتەردىڭ الدىن الۋعا باعىتتالعانىنا قاراماستان، سوتتالعاندار 293 كامەرانى ىستەن شىعارعان. ۇستاۋ رەجيمىن بۇزۋشىلارعا قاتىستى كەلتىرىلگەن زالالدى وتەۋمەن قوسا 45 تارتىپتىك جازا قولدانىلدى، 49 سوتقا دەيىنگى تەرگەۋ باستالدى.
