تۇرعىن ءۇي نارىعىندا ساتۋ-ساتىپ الۋ كورسەتكىشى 34,3 پايىزعا كەمىدى
ۇلتتىق ستاتيستيكالىق بيۋرو مالىمەتى بويىنشا، كەمۋ كورسەتكىشى بارلىق وڭىردە تىركەلگەن، دەپ حابارلايدى قازاقپارات.
ماۋسىم ايىمەن سالىستىرعاندا كورسەتكىش 2 پايىزعا كەمىدى. وڭىرلەر بويىنشا مامىلەلەر كوپ جاسالعان قالالار - الماتى مەن نۇر-سۇلتان، تيىسىنشە 4915 جانە 4391 شارت. مامىلە سانى ەڭ از بولعان ءوڭىر - سولتۇستىك قازاقستان وبلىسى (619).
مامىلەلەر سانىنىڭ تومەندەۋى ءبىرقاتار وڭىردە بايقالدى، ەڭ كوپ تومەندەۋ پاۆلودار (19,2 پايىز)، الماتى (17,0 پايىز)، جانە اتىراۋ (7,4 پايىز) وبلىستارىندا.
ءوسىم تەك 4 وڭىردە تىركەلدى:
نۇر-سۇلتان قالاسى (14 پايىز)، الماتى قالاسى (11,5 پايىز)، باتىس قازاقستان (7,5 پايىز) جانە اقتوبە وبلىستارى (4,4 پايىز).
مامىلەلەردىڭ 72 پايىز كوپ پاتەرلى ۇيلەردەگى پاتەرلەر بويىنشا جاسالدى، ساتىلىمداعى جەكە ۇيلەردىڭ ۇلەسى - 28 پايىز.
2 بولمەلى پاتەرلەر سول قالپى سۇرانىسقا يە، شىلدەدە ولاردىڭ 8,4 مىڭى تىركەلگەن. بۇل رەتتە كەلىسىمشارتتار كوبىنە الماتى قالاسىندا (1570)، نۇر-سۇلتاندا (1486) جانە قاراعاندى وبلىسىندا (1304) جاسالعان.
جەكە ۇيلەر بويىنشا ءوسىم تەك نۇر-سۇلتاندا (9,2+ پايىز) ، اقتوبە (11,3+ پايىز) جانە باتىس قازاقستان وبلىستارىندا (13,8+ پايىز) بايقالدى.
