قورعانىس مينيسترلىگى سۋ-34 جويعىش جانە سۋ-39 شابۋىلداۋشى ۇشاقتارىن ساتىپ الماق
بۇل تۋرالى مينيسترلىكتىڭ ەلىمىزدىڭ اسكەرىن قارۋ- جاراقپەن قامتاماسىز ەتۋگە قاتىستى تاراتقان دەرەكتەرىنەن ءمالىم بولدى، دەپ حابارلايدى قازاقپارات.
ق ر قورعانىس مينيسترلىگىنىڭ باسپا ءسوز قىزمەتى تاراتقان دەرەكتەرگە قاراعاندا، مەملەكەت باسشىسى - قارۋلى كۇشتەردىڭ جوعارعى باس قولباسشىسى قاسىم- جومارت توقايەۆ 2022 -جىلعى 19- قاڭتار كۇنگى قورعانىس مينيسترلىگىندە سويلەگەن سوزىندە گەوساياسي جاعدايدى جانە وڭىرلىك دەڭگەيدەگى قاۋىپ- قاتەرلەردى ەسكەرە وتىرىپ، قارۋلى كۇشتەردىڭ جاۋىنگەرلىك قابىلەتىن تۇبەگەيلى ارتتىرۋدى تالاپ ەتتى.
پرەزيدەنت، سونداي- اق اسكەري- كولىكتىك اۆياتسيا پاركىن تولىقتىرۋ قاجەتتىگىن دە باسا ايتتى. 2022 -جىلعا ارنالعان قارۋ- جاراق پەن اسكەري تەحنيكانى ساتىپ الۋ جوسپارىن قايتا قاراۋدى تاپسىردى.
«وسى تاپسىرمالاردى ورىنداۋ ماقساتىندا جۇك كوتەرىمدىلىگى 40 تونناعا دەيىن جەتەتىن А-400М اۋىر اسكەري- كولىكتىك ۇشاقتارىن ساتىپ الۋ جوسپارلانىپ وتىر»، - دەلىنگەن حابارلامادا.
سونداي- اق وندا ەلىمىزدىڭ اۋە قورعانىس كۇشتەرى قازىرگى زامانعى 4++ بۋىنداعى Су-30СМ جويعىشتارمەن، ءوز توبىندا ۇزدىك سانالاتىن С-295 اسكەري- كولىكتىك ۇشاقتارىمەن، Zlin وقۋ- جاتتىعۋ ۇشاقتارىمەن، ЕС-145, Ми-171Ш تىكۇشاقتارىمەن، مي-35م كولىكتىك- جاۋىنگەرلىك تىكۇشاقتارىمەن تولىقتىرىلعانى ايتىلعان. كەلەشەكتە سۋ-34 جويعىش- بومبالاۋشى، سۋ-39 شابۋىلداۋشى ۇشاقتارىن ساتىپ الۋ جوسپارلانۋدا.
«اۋە شابۋىلىنا قارسى قورعانىس تەحنيكالارى پاركى دە جاڭارتىلۋدا.
بۇگىندە С-300ПС, С-200, С-125 زەنيتتىك- زىمىران كەشەندەرى، وتاندىق «نۇر» راديولوكاتسيالىق ستانسيالارى جاۋىنگەرلىك كەزەكشىلىكتى لايىقتى اتقارىپ كەلەدى. اۋە شابۋىلىنا قارسى قورعانىس جۇيەسىنىڭ، ونىڭ ىشىندە دالدىگى جوعارى قارۋلاردىڭ مۇمكىندىگىن ارتتىرۋ ءۇشىن 2020 –جىلى Бук-М2Э زەنيتتىك- زىمىران كەشەنىنىڭ ديۆيزيونى جاۋىنگەرلىك قىزمەتكە كىرىستى. بارلاۋ، ونىڭ ىشىندە راديولوكاتسيالىق بارلاۋ مىندەتتەرىن ورىنداۋ، كەدەرگىلەر كەلتىرۋ جانە تاۋلىكتىڭ كەز كەلگەن ۋاقىتىندا جەرءۇستى نىسانالارىنا ءدال سوققى بەرۋ ءۇشىن «Wing Long-1» ەكپىندى- بارلاۋ، «ورلان-10ە» بارلاۋ، «Skylark – 1Lex» تاكتيكالىق ۇشقىشسىز ۇشاتىن اپپاراتتارى ساتىپ الىندى. سونداي- اق، تۇرىكتىڭ «Anka» تەكتەس دروندارىن ساتىپ الۋ ماسەلەسى دە قاراستىرىلۋدا. جالپى، اسكەرلەردى ۇشقىشسىز ۇشۋ اپپاراتتارىمەن جاراقتاندىرۋ قاجەتتىلىككە سايكەس جوسپارلى تۇردە جۇزەگە اسىرىلاتىن بولادى»، - دەلىنگەن حابارلامادا.
مينيسترلىكتىڭ مالىمەتىنشە، قازاقستاننىڭ قارۋلى كۇشتەرى 30 جىل ىشىندە 4 مىڭنان استام زاماناۋي قارۋ- جاراق پەن اسكەري تەحنيكا تۇرلەرىمەن قامتاماسىز ەتىلدى.
