15:44, 04 - تامىز 2023 | GMT +5
ابىلايحان ءجۇسىپوۆ كاسىپقوي رينگتە 33 جەكپە-جەك وتكىزگەن بوكسشىمەن جۇدىرىقتاسادى
استانا. قازاقپارات - قازاقستاندىق كاسىپقوي بوكسشى ابىلايحان ءجۇسىپوۆتىڭ (3-0، 2 ك و) كەزەكتى قارسىلاسى بەلگىلى بولدى.

ول 26- تامىز كۇنى تالسا (ا ق ش، وكلاحوما شتاتى) قالاسىندا جەكپە-جەككە شىعادى.
BoxRec.com اقپاراتى بويىنشا وتانداسىمىز 31 جاستاعى نيكاراگۋالىق بوكسشى ۋيستون كامپوسپەن (33-11-6، 19 ك و) جۇدىرىقتاسادى. جارتىلاي ورتا سالماقتاعى جەكپە-جەك 8 راۋندقا جوسپارلانعان.
ابىلايحان ءجۇسىپوۆ پەن ۋيستون كامپوس Top Rank ۇيىمداستىرىپ جاتقان امەريكالىق دجارەد اندەرسون (15-0، 14 ك و) مەن ۋكراينالىق اندرەي رۋدەنكو (35-6، 21 ك و) اراسىندا وتەتىن بوكس كەشىنىڭ اندەركاتىندا قولعاپ تۇيىستىرەدى.
سونداي-اق بۇل بوكس كەشىندەگى باستى جەكپە-جەكتەردىڭ بىرىندە تاعى ءبىر وتانداسىمىز جان كوسوبۋتسكي (19-0، 18 ك و) دە شارشى الاڭعا ورالادى. ول نيگەريالىق ەفە ادجاگبامەن (17-1، 13 ك و) شايقاستا ءوزارا مىقتىنى انىقتايدى.