ەلىمىزدە كوروناۆيرۋسقا شالدىققانداردىڭ 33 پايىزدان استامى - بالالار

نۇر-سۇلتان. قازاقپارات - ەلىمىزدىڭ ءبىرقاتار وڭىرىندەگى اۋرۋحانالارداعى ينفەكتسيالىق توسەك-ورىنداردىڭ تەز تولۋى بايقالادى.

بۇل تۋرالى ق ر د س م مەديتسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى كۇلايىم ءبىرجانوۆا ايتتى، دەپ حابارلايدى قازاقپارات ءتىلشىسى.

«دەنساۋلىق ساقتاۋ مينيسترلىگى كوروناۆيرۋس ينفەكتسياسىمەن اۋىرعان 1176 ناۋقاسقا ساراپتاما جۇرگىزدى. ولاردىڭ ىشىندە 18 جاسقا دەيىنگى بالالار ۇلەسى - 33,7 پايىزدى، ال ەرەسەكتەر ۇلەسى - 66,3 پايىزدى قۇرايدى»، - دەدى كۇلايىم ءبىرجانوۆا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ اتاپ وتۋىنشە، رەسپۋبليكا بويىنشا مەديتسينالىق-سانيتاريالىق العاشقى كومەك كورسەتەتىن 5 مىڭنان استام نىسان بار.

«ولار - دارىگەرلىك امبۋلاتوريالار، مەديتسينالىق پۋنكتتەر، مەديتسينالىق-سانيتاريالىق العاشقى كومەك ورتالىقتارى، ەمحانالار. 12 مىڭنان استام پەدياتريالىق، تەراپيەۆتىك ۋچاسكە، جالپى تاجىريبە دارىگەرى بار. وندا شامامەن 32 مىڭنان استام دارىگەر مەن 13 مىڭنان استام ورتا مەديتسينالىق قىزمەتكەر جۇمىس ىستەيدى»، - دەدى ول.