ءۇش كۋبالىق 33 كۇن بويى ەلسىز ارالدا ءومىر سۇرگەن

ولار ارالدا 33 كۇن بولىپ، تەك كوكوس جەگەن. بۇل تۋرالى قازاقپارات bbc اگەنتتىگىنە سىلتەمە جاساپ حابارلايدى.
پاترۋلدىك تىكۇشاق ۇشقىشتارى فلوريدا- كيس پەن كۋبانىڭ اراسىندا ورنالاسقان انگيليا- كەي شاعىن ارالىندا قولدان جاساعان تۋدى جەلبىرەتىپ تۇرعان ەكى ەر ادام مەن ءبىر ايەلدى بايقاپ قالعان. ا ق ش-تىڭ جاعالاۋداعى كۇزەت قىزمەتىنىڭ لەيتەنانتى رايلي بيچەردىڭ اگەنتتىككە بەرگەن سۇحباتىندا اۋەدەن پاترۋلدەۋ كەزىندە ارالدا كومەككە شاقىرىپ تۇرعان ءۇش ادامدى كورگەندىگىن ءمالىم ەتكەن. ەكيپاجدىڭ زارداپ شەككەندەردى بىردەن قۇتقارۋعا مۇمكىندىگى بولعان جوق، الايدا ولارعا سۋ، ازىق- تۇلىك جانە راتسيا قالدىرىپ كەتكەن.
«كۋبالىقتار ارالدا 33 كۇن تۇرىپ جاتقاندارىن ايتتى»، - دەدى بيچەر. قۇتقارىلعان ادامدار ارالعا قايىقتارىنىڭ سۋعا باتىپ قالعاننان كەيىن تاپ بولعاندارىن جانە ءبىر ايدان استام ۋاقىت تەك كوكوس جەگەندەرىن بايانداپ بەردى. ءۇش «روبينزون» ارالدان تىكۇشاقتىڭ كومەگىمەن شىعارىلدى.
اۆتور: زارينا تۋعانبايەۆا