كابار: قىرعىزستانداعى رەفەرەندۋمدا سايلاۋشىلاردىڭ %33 داۋىس بەردى

سايلاۋشىلاردىڭ %33 داۋىس بەردى، دەپ حابارلادى بۇگىن قىرعىزستاننىڭ «كابار» اگەنتتىگى.

اگەنتتىك تاراتقان اقپاراتقا قاراعاندا، ساعات 18:00 گە قاراتا سايلاۋشىلاردىڭ %33 رەفەرەندۋمدا داۋىس بەردى.

بۇل تۋرالى بىشكەكتەن ورتالىق سايلاۋ كوميسسياسىنىڭ ءتوراعاسى نۇرجان شايلدابەكوۆا ءمالىم ەتتى.

ونىڭ سوزىنشە، باسقارۋ فورماسىن انىقتاۋ بويىنشا رەفەرەندۋمدا 1 ميلليون 178 مىڭ 656 ازامات داۋىس بەردى.

تالاپ بويىنشا، جالپى سايلاۋشىلاردىڭ %30 دان استامى داۋىس بەرسە، رەفەرەندۋم ءوتتى دەپ تانىلادى.

ايماقتار بويىنشا، العاندا بىشكەكتە 131 مىڭ 35، وش قالاسىندا 56 مىڭ 659، جالال-اباد وبلىسىندا 224 مىڭ 10، ىستىق- كول وبلىسىندا 120 مىڭ 319، نارىن وبلىسىندا 73 مىڭ 478، وش وبلىسىندا 245 مىڭ 559، تالاس وبلىسىندا 49 مىڭ 412، شۋ وبلىسىندا 167 مىڭ 266، باتكەن وبلىسىندا 101 مىڭ 49 جانە شەت ايماقتاردا 9 مىڭڭ 869 ادام داۋىس بەردى.

ايتا كەتەيىك، پرەزيدەنتتىك سايلاۋ مەن رەفەرەندۋمعا 3 ميلليون 563 مىڭ 574 ادام قاتىسا الادى.