13:33, 02 - قىركۇيەك 2017 | GMT +6
حيۋستونداعى سۋ تاسقىنى كەزىندە 33 ادام اجال قۇشتى
استانا. قازاقپارات - حارۆي داۋىلى كەسىرىنەن بولعان حيۋستونداعى سۋ تاسقىنى كەزىندە 100 مىڭ ءۇي جاپا شەككەن، دەپ حابارلايدى BBC.
ىشكى قاۋىپسىزدىك مينيسترلىگىنىڭ كەڭەسشىسى توم بوسسەرتتىڭ ايتۋىنشا، اق ءۇي كونگرەستەن تابيعات اپاتىنان جاپا شەككەندەرگە شۇعىل كومەك كورسەتۋ ءۇشىن ارنايى قارجى ءبولۋدى سۇرايدى.
سەبەبى جاپا شەككەندەردىڭ كوبىنىڭ ساقتاندىرۋى جوق. دونالد ترامپ جەكە قارجىسىنان 1 ميلليون دوللار بولەتىنى ءمالىم بولعان. داۋىل كەزىندە كەم دەگەندە 33 ادام اجال قۇشقان.
ادامداردى حيۋستوننىڭ شىعىسىنداعى بومونت قالاسىنىڭ اۋرۋحاناسىنا ەۆاكۋاتسيالاۋعا تۋرا كەلگەن. سەبەبى قالادا اۋىز سۋ بەرۋ توقتاتىلعان.