الماتىنىڭ رەسپۋبليكالىق سالىق تۇسىمىندەگى ۇلەسى 33 پايىزعا جەتتى
ساراپشىلاردىڭ ايتۋىنشا، قالا ەكونوميكاسى دامۋدىڭ وڭ ديناميكاسىن ساقتاپ كەلەدى. وتكەن جىلعىمەن سالىستىرعاندا سالىق ءتۇسىمى 106 پايىزعا ارتقان. وسىلايشا مەملەكەت قازىناسىنا 629,1 ميلليون تەڭگە اۋدارىلدى. الماتىنىڭ سالىق تۇسىمىندەگى ۇلەسى 33 پايىزدى قۇرادى.
«سالىقتىڭ ءوسۋى قالاداعى بيزنەس احۋالدىڭ جاقسارعاندىعىن بىلدىرەدى. سالىق ءتۇسىمىنسىز قالادا ەشقانداي الەۋمەتتىك دامۋ باعدارلامالارى جۇزەگە اسپاس ەدى. مەملەكەت باسشىسى نۇرسۇلتان نازاربايەۆتىڭ مەملەكەتتىك كىرىس اگەنتتىگىن قۇرۋداعى باستى ماقساتى - مەملەكەتتىك كىرىستەردى ءبىر جەردە شوعىرلاندىرىپ، ەكونوميكانى كولەڭكەدەن شىعارۋ بولىپ تابىلادى»، - دەدى ول.
قالا باسشىسى كەدەن قىزمەتىندە كەيبىر كورسەتكىشتەردىڭ تومەندەپ كەتكەندىگىن جەتكىزدى.
اكىم جاقىندا كونتراباندالىق جۇك تاسىمالداعان كولىك جۇرگىزۋشىلەرىن مىسالعا كەلتىردى. ءتارتىپ ساقشىلارى ولاردى ۇستاۋ ءۇشىن قالانىڭ ىشىندە وق اتۋعا ءماجبۇر بولعان.
«قارۋلى كونترابانديستەر شەكارادان قالاي ءوتىپ كەتتى؟ ەندەشە، بۇل شەكارامىز قاجەت دارەجەدە باقىلانبايتىندىعىن كورسەتەدى. مەملەكەتتىك كىرىس دەپارتامەنتى قىزمەتكەرلەرى اۆتوكولىك جۇرگىزۋشىلەرى تىركەلگەن ىشكى بازاعا ەمىن- ەركىن كىرە الۋى كەرەك. سىزدەر دە مەملەكەتتىك شەكارانى قيىپ وتكەن كولىكتى كورىپ وتىرۋلارىڭىز كەرەك»، - دەدى قالا باسشىسى.
جيىن سوڭىندا احمەتجان ەسىموۆ كولەڭكەلى ەكونوميكانىڭ ۇلەسىن ازايتۋ، گاستاربايتەرلەردىڭ ەڭبەگىن زاڭسىز پايدالانۋ، كاسىپكەرلىككە تۇساۋ بولاتىن اكىمشىلىك كەدەرگىلەردى جويۋ باعىتىندا قۇزىرلى مەكەمە باسشىلارىنا بىرنەشە تاپسىرما بەردى.
