15:46, 02 - شىلدە 2015 | GMT +6
فيليپپيندە جولاۋشىلار كەمەسى سۋعا كەتىپ، 33 ادام قازا تاپتى
استانا. قازاقپارات - بورتىندا 173 كە جۋىق ادام بولعان جولاۋشىلار سالى لەيتە پروۆينتسياسىنىڭ جاعالاۋىندا اپاتقا ۇشىرادى.
فيليپپين جاعالاۋ كۇزەتى قىزمەتىنىڭ وكىلدەرى حابارلاعانداي، قازىرگى ۋاقىتقا دەيىن 33 ادامنىڭ قايتىس بولعانى راستالدى، قالعان جولاۋشىلاردى ىزدەستىرۋ جالعاستىرىلۋدا.
اپاتقا سەبەپ بولعان قولايىز اۋا رايى بولۋى مۇمكىن دەيدى قۇتقارۋشىلار. قاتتى تولقىن سالدارىنان كەمە اۋدارىلىپ كەتكەن بولۋى ىقتيمال، دەپ حابارلادى تاسس.
فيليپپيندە تەڭىزدە اپات ءجيى ورىن الادى. ولاردىڭ ەڭ ءىرىسى 1987 -جىلعى جەلتوقساندا جولاۋشىلار كەمەسى مەن مۇناي قۇياتىن تانكەردىڭ سوقتىعىسۋى سالدارىنان 4 مىڭعا جۋىق ادام اجال قۇشقان بولاتىن.
