مەسسي يسپان قازىناسىنا 33 ميلليون ەۋرو تولەيتىن بولدى

وسىلايشا اتاقتى فۋتبولشى قىلمىستىق قۋدالاۋدان امان قالىپ وتىر.
ال پوليتسەيلەر بولسا، مەسسي اكەسىنىڭ ايلاكەرلىكپەن اينالىسىپ جۇرگەنىنەن حابارسىز بولعان دەپ ساناۋدا.
كاتالونيالىق «بارسەلونا» جانە ارگەنتينا قۇراماسىنىڭ شابۋىلشىسى ليونەل مەسسي اكەسىنىڭ ايلاكەرلىگى ءۇشىن يسپانيانىڭ مەملەكەتتىك قازىناسىنا 32,9 ميلليون ەۋرو تولەمەك، - دەپ حابارلايدى Marca.
تەرگەۋشىلەر ۇلكەن- مەسسيدىڭ 2007-2009 - جىلدار ارالىعىنداعى كەزەڭدە سالىق ورگاندارىنان 4,1 ميلليون ەۋرو كولەمىندە قارجىنى جاسىرعاندىعىن دالەلدەپ شىققان. ءسويتىپ، سوت جۇلدىزدى فۋتبولشىعا بەس ميلليون ەۋرو جانە وسى سومانىڭ ايىپپۇلى رەتىندە 2,7 ميلليون ەۋرو تولەۋگە مىندەتتەپ، شەشىم شىعارعان.
سونىمەن قاتار، حورحە مەسسيدىڭ 2010-2012 - جىلدار ارالىعىنداعى سالىقتىق كەزەڭدە 25 ميلليون ەۋرو تولەمەگەندىگى تاعى انىقتالعان. مىنە، وسىنداي سومالاردى جيناقتاي كەلگەندە فۋتبولشى يسپان قازىناسىنا 32,9 ميلليون ەۋرو تولەۋگە بورىشتى بولىپ وتىر.
ال پوليتسەيلەردىڭ تۇسىندىرۋىنشە، ليونەل مەسسي اكەسىنىڭ نەمەن اينالىسىپ جۇرگەندىگىنەن حابارسىز بولعاندىقتان، ونىڭ ايلاكەرلىككە ەش قاتىسى جوق دەپ تانىلعان. سوندىقتان دا ول قىلمىستىق قۋدالاۋعا ۇشىراماعان.
ەستەرىڭىزگە سالا كەتەيىك، وسى كۇندەرى فۋتبولشى برازيليادا ءوتىپ جاتقان الەم چەمپيوناتىندا ءوز ەلىنىڭ ۇلتتىق قۇراماسىنىڭ قاتارىندا ونەر كورسەتۋدە.