شىعىس قازاقستاندا 338 دارىگەر جەتىسپەيدى
بۇگىنگى تاڭدا وڭىردەگى قالالار مەن اۋدانداردا 338 دارىگەر جەتىسپەيدى. اق حالاتتىلاردى اۋداندىق اۋرۋحانالاردا جۇمىس ىستەۋگە ىنتالاندىرۋ ءۇشىن ايماق باسشىسى دانيال احمەتوۆ ءقازىردىڭ وزىندە دارىگەرلەرگە قانشا ءۇي بولۋگە بولاتىنىن جانە قانشا سالۋ كەرەكتىگىن تالداۋعا تاپسىرما بەردى.
«ءبىرىنشى ساۋىرگە دەيىن قالالار مەن اۋدانداردىڭ اكىمدەرى، سونداي- اق دەنساۋلىق ساقتاۋ باسقارماسى ەگجەي- تەگجەيلى تالداۋ ناتيجەسىن ۇسىنۋى ءتيىس. بۇل ماسەلەنى شەشۋ كەرەك. وبلىستا تۇرعىن ۇيلەر سالىنىپ جاتىر. ونىڭ ىشىندە بيىل، اسىرەسە اۋدانداردا باسپانا قۇرىلىسى جاقسى قارقىنمەن جالعاسۋدا»، - دەدى ول وبلىس اكىمدىگىنىڭ وتىرىسىندا.
ايتا كەتەيىك، بۇگىنگى تاڭدا وڭىردە دەنساۋلىق ساقتاۋ سالاسىنداعى مامانداردى تارتۋ ءۇشىن بارلىق جاعداي جاسالۋدا. جىل سايىن دارىگەرلەر شەتەلگە جىبەرىلىپ، بىلىكتىلىكتەرىن ارتتىرىپ جاتىر.