قاراعاندى وبلىسىندا 337 جەكە ءۇيدى سۋ باستى

استانا. قازاقپارات - قاراعاندى وبلىسىندا 337 جەكە ءۇيدى سۋ باستى، دەپ حابارلادى ق ر ىشكى ىستەر مينيستىرلىگى توتەنشە جاعدايلار كوميتەتىنىڭ باسپا ءسوز قىزمەتىنەن.

«ق ر ءى ءى م قۇرىلىمدارى مەن تەحنيكاسى جانە جەرگىلىكتى بيلىك ورگاندارى قاراعاندى وبلىسىنداعى سەل سالدارىن جويۋدى جالعاستىرىپ جاتىر. بۇل جۇمىسقا بارلىعى 559 استام ادام، 126 تەحنيكا تارتىلدى. بۇگىندە وبلىستا 337 جەكە ءۇيدى جانە اۋلانى سۋ باستى»، - دەلىنگەن حابارلامادا.

وتكەن تاۋلىكتە تۇرعىنداردى اقپاراتتاندىرۋ، قاپتاردى قويۋ، ۇيلەردى سۋ باسۋدان قورعاۋ، سۋدان ارىلتۋ جۇمىستارى جۇرگىزىلدى.

«الەۋمەتتىك ماڭىزى بار عيماراتتاردا توتەنشە جاعدايلار بولمادى. كەرەك بولعان جاعدايدا قۇتقارۋشىلار شاقىرتۋ ورنىنا بارىپ، تۇرعىندارعا كومەك كورسەتەدى. ەرىگەن قاردىڭ سۋ جاڭا ارقا جانە اباي اۋداندارىنداعى تومەن تۇرعان جول توسەمدەرىن شايىپ جاتىر»، - دەلىنگەن حابارلامادا.

جاعدايدى ساراپتاۋ ءۇشىن ت ج د- دا جەدەل شتاب قۇرىلدى. ۇنەمى مونيتورينگ وتكىزىلىپ تۇرادى.