الماتىدا قاڭتار وقيعاسىنا قاتىسقان 331 ادام ءتۇرلى مەرزىمگە سوتتالدى
«قاڭتار وقيعالارىنا بايلانىستى ەلىمىز بويىنشا بارلىعى 5065 سوتقا دەيىنگى تەرگەپ-تەكسەرۋ تىركەلگەن. 514 كۇدىكتى ادام سوت سانكسياسىمەن قاماۋدا. ەگەر ادامدار انىقتالسا، قاجەتتى تەرگەۋ ارەكەتتەرى جۇرگىزىلگەننەن كەيىن نەمەسە پروتسەستىك كەلىسىم جاسالعاننان سوڭ ىستەر بىردەن سوتقا جولدانۋدا. بۇگىنگى كۇنى 337 قىلمىستىق ءىس سوتقا جولدانىپ، ولاردان 331 ادام ءتۇرلى جازالارعا سوتتالدى»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ ايتۋىنشا، سوتپەن پروتسەستىك كەلىسىم نەگىزىندە تۇسكەن جاپپاي تارتىپسىزدىكتەرگە قاتىسۋ بويىنشا قىلمىستىق ىستەردى قاراۋ ناتيجەلەرىمەن 14 ادام باس بوستاندىعىنان ايىرۋعا بايلانىستى ەمەس جازالارعا سوتتالدى.
«زاڭ بويىنشا اتالعان ساناتتاعى ىستەر ون تاۋلىكتەن اسپايتىن مەرزىمدە قارالادى. قالعان قىلمىستىق ىستەر سوتتارمەن ورتا ەسەپپەن 2 ايعا دەيىن قارالادى. بۇل ءىس بويىنشا سوت تەرگەۋىنىڭ جۇرگىزىلۋىمەن، قىلمىستىق پروتسەستىك بارلىق تاراپتارىن تىڭداۋ جانە ولاردىڭ ۋاجدەرىن قاراۋ قاجەتتىلىگىمەن تۇسىندىرىلەدى. سوتتارمەن جاسالعان قىلمىستىڭ بارلىق ءمان-جايلارى مۇقيات زەردەلەنەدى. بۇل پروتسەدۋرالاردىڭ بارلىعى ءادىل سوت اكتىسىن شىعارۋ ءۇشىن قاجەت»، - دەدى ەلدوس قيلىمجانوۆ.
