دوللار باعامى 330 تەڭگەگە دەيىن ءتۇستى

استانا. قازاقپارات - قازاقستان قور بيرجاسىندا تاڭعى ساۋدا اياقتالدى. KASE- ءنىڭ تاڭعى سەسسياسىندا دوللار باعامى 330,45 تەڭگە بولدى دەپ حابارلايدى ەگەمەن قازاقستان باسىلىمى.

كەشە ا ق ش دوللارىنىڭ تەڭگەگە شاققانداعى قۇنى 332 تەڭگە اينالاسىندا ەدى. ونىڭ الدىندا مۇنايدىڭ جاڭا جىل قارساڭىنداعى ارزانداۋى سەبەبىنەن تەڭگەنىڭ باعامى 334 كە دەيىن كوتەرىلىپ كەتكەن ەدى.

بۇگىن استانا ۋاقىتىمەن تاڭعى 10:00 دە برەنت ماركالى مۇناي قۇنى 56,80 دوللارعا دەيىن كوتەرىلدى. ساراپشىلاردىڭ پىكىرىنشە، قارا التىن ءالى دە قىمباتتاي تۇسەدى.

ولاي بولسا، دوللاردىڭ تەڭگەگە شاققانداعى قۇنى 330 دان دا تومەن ءتۇسۋى ابدەن مۇمكىن.