12:50, 01 - اقپان 2015 | GMT +5
قىتايدا 330 مىڭنان استام ادام قالىڭ قاردان زارداپ شەكتى
استانا. قازاقپارات - حۋبەي پروۆينتسياسىندا (ورتالىق قىتاي) قالىڭ قار تۇسۋىنەن 336 مىڭ ادام زارداپ شەكتى. بۇل تۋرالى جەكسەنبى كۇنى مەملەكەتتىك تەلەارنا حابارلادى.
جەرگىلىكتى بيلىكتىڭ دەرەكتەرىنە سايكەس تولاسسىز جاۋعان قار سالدارىنان 82 ءۇي قيراپ، 500-گە تارتاسى زاقىمدانعان، 28 مىڭ گەكتار اۋىل شارۋاشىلىعى داقىلدارى ءۇسىدى. بيلىك ەكونوميكالىق شىعىندى 25,6 ملن. دوللارعا باعالاپ وتىر.
تابيعي اپاتتان زارداپ شەككەن ءوڭىردىڭ اكىمشىلىگى بۇگىن توتەنشە جاعداي جاريالادى. بۇل شەشىم ءتيىستى قىزمەتتەردى زارداپ شەككەندەرگە بارلىق ىقتيمال شارالاردى قابىلداۋدى جانە اپات الاڭىنا قاجەتتى جۇكتى جەتكىزۋدى مىندەتتەيدى.
