بارىنە بىردەي مۇمكىندىك: 33,5 مىڭ بالاباقشا ورنى پايدا بولدى
نۇر- سۇلتان. قازاقپارات - «Nur Otan» پارتياسىنىڭ سايلاۋالدى باعدارلاماسىنىڭ ارقاسىندا ەلدەگى 3-6 جاس ارالعىنداعى بالالاردىڭ 99,1 پايىزى مەكتەپكە دەيىنگى تاربيەمەن قامتىلعان.
كەشەگى وتكەن پارتيانىڭ ساياسي كەڭەسىنىڭ كەڭەيتىلگەن وتىرىسىندا ق ر پرەمەر- ءمينيسترى اسقار مامين وسىنداي دەرەك كەلتىردى، دەپ حابارلايدى قازاقپارات ءتىلشىسى.
«باعدارلامانىڭ «بارىنە بىردەي مۇمكىندىكتەر» اتتى ءبىرىنشى باعىتى اياسىندا ءاربىر قازاقستاندىقتىڭ الەۋەتىن ىسكە اسىرۋدى قامتاماسىز ەتەتىن 43 ءىس- شارا ورىندالدى. سۇرانىسقا يە ماماندىقتار بويىنشا جوعارى ءبىلىم الۋ ءۇشىن گرانتتار سانى 5 مىڭعا ارتتى. بالاباقشالاردا 33,5 مىڭ جاڭا ورىن اشىلىپ، سونىڭ ارقاسىندا 3-6 جاس ارالىعىنداعى بالالاردى مەكتەپكە دەيىنگى تاربيەمەن قامتۋ % 99,1 بولدى»، - دەدى اسقار مامين.
پرەمەر- ءمينيستردىڭ دەرەگى بويىنشا، سايلاۋالدى باعدارلامانىڭ «ينتەللەكتۋالدى، دەنى ساۋ جانە ۇنەمدى ۇلت» اتتى ەكىنشى باعىتى اياسىندا 15 ءىس- شارا ىسكە اسقان.
«اۋداندىق اۋرۋحانالارعا، ونىڭ ىشىندە پەرزەنتحانالارعا 1010 دانا مەديتسينالىق جابدىق ساتىپ الىندى. ءار وڭىردە دارىلىك زاتتاردىڭ، مەديتسينالىق ماقساتتاعى بۇيىمداردىڭ قاجەتتى ەكى ايلىق رەزەرۆى دايىندالدى»، - دەدى ۇكىمەت باسشىسى.
اۆتور: ەسىمجان ناقتىباي
