قازاقستاندىق ساداق اتۋشىلار 33 كوماندانىڭ ىشىنەن 4-ورىندى ەنشىلەدى
ق ر ۇ و ك- ءنىڭ باسپا ءسوز قىزمەتى تاراتقان مالىمەتتەرگە سۇيەنسەك، اتالعان سىنعا قاتىسقان قازاقستاندىق سپورتشىلار العاشقى بەستىكتەن كورىندى. جەرلەستەرىمىز 33 كوماندانىڭ ىشىنەن 4-ورىنعا يە بولدى.
كلاسسيكالىق ساداق اتۋدا ۇلتتىق قۇرامانىڭ ۇزدىگى سانالاتىن دەنيس گانكين 5- ورىنعا قول جەتكىزسە، وسى باعدارلاما بويىنشا سىنعا تۇسكەن سانجار مۇسايەۆ پەن سۇلتان دۇزەلبايەۆتار 9-ساتىعا تابان تىرەدى. بۇل باسەكەگە جالپى ەسەبى 136 سپورتشى قاتىستى.
كلاسسيكالىق ساداق اتۋدان كوماندالىق سىندا قازاقستان ۇلتتىق قۇراماسى ءتورتىنشى ورىن يەلەندى. قازاقستان نامىسىن دەنيس گانكين، سانجار مۇسايەۆ جانە يلفات ابدۋللين قورعادى. كوماندالىق باسەكەگە جالپى ەسەبى 33 كوماندا قاتىستى.
كومپاۋند باسەكەسىندە اقبارالى قارابايەۆ 8-ورىنعا جايعاستى. ال وسى سايىستاعى كوماندالىق سىندا ك. سولودوۆنيكوۆ، پ. فيشەر جانە ا. قارابايەۆ ۇشتىگى 9-ورىنعا تابان تىرەدى.
ايەلدەر اراسىنداعى كومپاۋند سىنىندا د. ماكارچۋك، ا. جەكسەنبينوۆا جانە ۆ. ليان ۇزدىك سەگىزدىككە ەندى.
اۆتور: كۇنسۇلتان وتارباي
