10:23, 16 - مامىر 2023 | GMT +6
ەكىباستۇزدا 32 جاستاعى ەر ادامدى اتىپ كەتكەن كۇدىكتى ىزدەستىرىلىپ جاتىر
ەكىباستۇز. قازاقپارات - پاۆلودار وبلىسىندا ەكىباستۇز قالاسىنىڭ تۇرعىنىن بەلگىسىز بىرەۋلەر اتىپ كەتتى، دەپ حابارلايدى قازاقپارات پوليتسياعا سىلتەمە جاساپ.
15-مامىر ساعات 17:40 شاماسىندا ەكىباستۇز پوليتسياسىنا ءماشھۇر ءجۇسىپ كوشەسىندەگى مەديتسينالىق ورتالىقتىڭ جانىندا ايەل ادام كومەك سۇراپ جاتقانى تۋرالى حابار ءتۇستى.
اتالعان مەكەنجايعا دەرەۋ جەدەل-تەرگەۋ توبى جىبەرىلدى.
وقيعا ورنىنا كەلگەن پوليتسيا قىزمەتكەرلەرى بەينەباقىلاۋ كامەرالارىنان جازبالاردى الىپ، زەردەلەدى.
بەيمالىم ادام بەلگىسىز اتىس قارۋىنان ەكىباستۇز قالاسىنىڭ 32 جاستاعى تۇرعىنىنا وق اتقانى بەلگىلى بولدى. ەر ادام اۋرۋحاناعا جاتقىزىلدى.
وقيعانىڭ ءمان-جايى مەن سەبەپتەرى انىقتالىپ جاتىر.
ق ر ق ك 24-بابى 3-بولىگى، 99-بابى 2-بولىگى 9-تارماعى، 293-بابى 3-بولىگى 2-تارماعى بويىنشا سوتقا دەيىنگى تەرگەۋ باستالدى.
كۇدىكتىلەردىڭ ءبىرى ۇستالىپ، ۋ ۇ ي-عا قاماۋعا الىندى.
ەكىنشى كۇدىكتىنى ۇستاۋ بويىنشا جەدەل-ىزدەستىرۋ شارالارى ءجۇرىپ جاتىر.